- વીજ વાયર તુટી પડતા ટ્રકના કલીનરને હાથમાં ઈજાઓ.
ગોધરા, ગોધરા સાતપુલ વિસ્તારના ચિખોદ્રા રોડ ઉપર એમ.જી.વી.સી.એલ.ની હાઈટેન્શન લાઈનનો વાયર તુટીને ટ્રક ઉપર પડયો હતો. જેને લઈ ટ્રકમાં આગ લાગી જ્યારે ટ્રકમાંં સવાર કલીનરને કરંટ લાગતા હાથના ભાગે ઈજાઓ પહોંચી હતી. આગની ધટનાની જાણ થતાં ફાયર ફાયટરો ધટના સ્થળે દોડી આવી આગ ઉપર કાબુ મેળવ્યો હતો.
ગોધરા સાતપુલ વિસ્તારમાં ચિખોદ્રા રોડ ઉપર મધ્ય ગુજરાત વીજ કંપનીની હાઈટેન્શન લાઇનનો જીવંત વીજ વાયર તુટી પડયો હતો. વીજ વાયર તુટીને ટ્રક ઉપર પડયો હતોો. જેને લઈ ટ્રકમાં આગ લાગી હતી અને ટ્રકના કલીનરને કરંટ લાગતા હાથમાં ઈજાઓ થવા પામી હતી. ટ્રકમાં આગની ધટનાની જાણ પાલિકા ફાયર બ્રિગેડને કરતાં ફાયર ફાયટરો ધટના સ્થળે દોડી આવી આગ ઉપર કાબુ મેળવ્યો હતો. જ્યારે હાઈટેન્શન વીજ લાઈનમાં જીવંત વાયર તુટી પડવાની ધટનાને લઈ વીજ અધિકારી અને કર્મીઓ દોડી આવ્યા હતા. વીજ લાઈન બંધ કરવામાં આવી હતી. હાઈટેન્શન જીવંત વીજ વાયર તુટી પડવાની ધટનામાંં સદ્દનસીબે કોઈ જાનહાનિ થવા પામી ન હતી.