ગોધરા,
ગોધરા શહેરના પટેલવાડા વિસ્તારમાં મોડી રાત્રે દુકાનમાં આગ લાગતાં તમામ સામાન બળીને ખાક થઈ ગયો હતો.ગોધરા શહેરના હાર્દ સમા અને શહેરની મધ્યમાં આવેલા પટેલવાડા વિસ્તારમાં આવેલી કાપડની દુકાનમાં મંગળવારની મોડી રાત્રે એકાએક આગ ભભૂકી ઉઠી હતી.
જોતજોતામાં આજે વિકરાળ સ્વપ ધારણ કર્યું હતું. જેને લઇને સ્થાનિક રહેવાસીઓ દ્વારા પાલિકાના ફાયર બ્રિગેડ ને જાણ કરવામાં આવી હતી. ફાયર વિભાગના બે ફાયર ફાઈટર તાત્કાલિક ઘટનાસ્થળે પહોંચી આગ પર પાણીનો મારો ચલાવ્યો હતો. તો બીજી તરફ નજીકમાં જ વીજ ટ્રાન્સફોર્મર આવેલું હોવાથી અગમચેતીના ભાગપે વીજ કંપની દ્વારા વીજપુરવઠો પણ બંધ કરવામાં આવ્યો હતો. એક કલાકની જહેમત બાદ ફાયર બ્રિગેડ દ્વારા આગ પર કાબુ મેળવી લેવામાં આવ્યો હતો. જો કે આગની ઘટનામાં દુકાનમાં રહેલો તમામ સમાન સળગીને ભસ્મીભૂત થઈ જવા પામ્યો હતો.