ગોધરા,
ગોધરા શહેરમાં એક વિધાર્થી દ્વારા ચાલુ સ્કુલમાં કલાસરૂમમાં આવી શિક્ષિકાને ગાલ ઉપર ઝાપટ મારતા પોલીસ ફરિયાદ નોંધાવવા પામી હતી.
ગોધરા શહેરના પટેલવાડા વિસ્તારમાં આવેલી નુતન હાઈસ્કુલ ખાતે ફરજ બજાવી રહેલા શિક્ષિકા કાનનબેન ત્રિવેદીએ ગોધરા શહેર બી-ડીવીઝન પોલીસ મથકે ફરિયાદ નોંધાવતા જણાવ્યુ હતુ કે, જહુરપુરા શાકમાર્કેૈટ પાસેના વિસ્તારમાં રહેતા અને સ્કુલમાં અભ્યાસ કરતા એક વિધાર્થીએ સ્કુલમાં આવી ચાલુ કલાસમાં બુમો પાડતો હતો. આ વિધાર્થી રજા વગર કલાસમાં આવી જતાં શિક્ષિકા દ્વારા તેને આમ નહિ કરવા રોકવામાં આવતા વિધાર્થીએ એકદમ ઉશ્કેરાઈ જઈ તેને શિક્ષિકાને ગાલ ઉપર લાફો મારી દઈ સ્કુલની વિધાર્થીનીને ધકકો મારી નાસી ગયો હતો. આ બનાવ અંગે પોલીસ દ્વારા સમગ્ર મામલે ફરિયાદ નોંધી વધુ આગળની કાર્યવાહી હાથ ધરી હોવાનુ જાણવા મળેલ છે.