ગોધરામાં પોલીસે શંકાસ્પદ માંસનો જથ્થો ઝડપી પાડયો

• પોલીસે માંસ નાં જથ્થા ને આ માંસ ગૌ માંસ છે કે કેમ તેના પરીક્ષણ અર્થે કબ્જે લીધુ હતું.

ગોધરા શહેર બી ડિવિજન પોલીસ દ્વારા સાતપુલ વિસ્તારમાં આવેલી અક્સા મસ્જિદની પાસે ગતરોજ રેઇડ પાડી હતી. જે રેઇડ દરમિયાન આરોપી ખાલિદ સિદ્દીક આલમ ઉર્ફે ડગરો તેમજ ઈકરામ રિયાઝ મુલ્લા સાથે મળીને પોતાની સી.એન.જી. રિક્ષામાં કોઈક જગ્યાએથી માંસ મટનનો જથ્થો આરોપી મહેબૂબ અબ્દુલ રઝાક ઇસ્માઇલવાલાને આપવા માટે ભરી લાવ્યા હતા. જેમાં પોલીસે ઉકત કાર્યવાહી દરમિયાન સ્થળ ઉપરથી 16 કિલો શંકાસ્પદ માંસ મટન નો રૂા.3200નો જથ્થો તેમજ રિક્ષા રૂા.50,000 તેમજ અન્ય સર સામાન મળી રૂા.53,600 નો મુદ્દામાલ કબ્જે કર્યો હતો. ત્યારે પોલીસે ઝડપેલું માંસ તે ગૌ માંસ છે કે કેમ તેના પરીક્ષણ અર્થે કબ્જે લીધુ હતું.