ગોધરા, ગોધરા તાલુકાના રતનપુર કાંટડી ગામે ખેતરમાં ડાંગર કાપતા મહિલા પર આકાશી વીજળી પડતાં મહિલા ગંભીર રીતે દાઝી ગયા હતા.
ગોધરા તાલુકાના રતનપુર કાંટડી ગામે આવેલા ખબેડા ફળિયામાં રહેતા કાંતાબેન ભીખાભાઈ પરમારનું રતનપુર કાંટડી પેટે ડુંગરીના ટેર ગામે ખેતર આવેલું છે, જે ખેતરમાં ગત 26 તારીખે સવારના સમયે કાંતાબેન ડાંગર કાપવા માટે ગયા હતા, ડાંગર કાપતી વખતે વરસાદ ચાલુ થઈ ગયો હતો, જે અરસામાં આકાશી વીજળી તેઓ પર ત્રાટકી હતી,આ ઘટનામાં તેઓના માથાના વાળ બળી ગયા હતા, તેમજ શરીરના જુદા જુદા ભાગે ગંભીર રીતે દાઝી ગયા હતા, કે બાદ ઘટનાની જાણ આસપાસના લોકોને થતાં તેઓને 108 એમ્બ્યુલન્સ મારફતે સારવાર અર્થે ખસેડવામાં આવ્યાં હતાં, સમગ્ર ઘટના સંદર્ભે આજરોજ કાંકણપૂર પોલીસે જાણવાજોગ નોંધીને કાયદેસરની કાર્યવાહી હાથ ધરી છે.