ગોધરા, ગોધરા તાલુકાના ધોળાકુવા ગામે પાલનપુર ફળીયામાં એલ.સી.બી.એ બાતમીના આધારે રેઈડ કરી બે ફોર વ્હીલમાં અને રહેણાંક મકાન માંથી રૂા.10,00,760/-ના મુદ્દામાલ સાથે ત્રણ આરોપીઓને ઝડપી પાડવામાં આવ્યા.
પ્રાપ્ત વિગતો મુજબ ગોધરા તાલુકાના ધોળાકુવા ગામે પાલનપુર ફળીયામાં રહેતા શૈલેષ મનુભાઈ કાપત પોતાના ધરે ઈંગ્લીશ દારૂનો જથ્થો મંગાવીને સંતાડી રાખેલ છે અને સગેવગે કરવાની પેરવીમાં છે. તેવી બાતમીના આધારે એલ.સી.બી.પોલીસે રેઈડ કરી હતી. રેઈડ દરમિયાન કેટા ગાડી નં.જીજે.17.બીએચ.6601, હોન્ડા કાર નં. જીજે.24.એ.4848 માંથી તેમજ રહેણાંક ધર માંથી ઈંગ્લીશ રોયલ સ્ટેગ ડીલક્ષ વ્હીસ્કી બોટલ નંગ-48, રોયલ સ્ટેગ વ્હીસ્કી કવાટરીયા નંગ-672, રોયલ સ્ટેગ ડીલક્ષ વ્હીસ્કી હાફ કવાટરીયા નંગ-72, કીંગ ફીશર સુપર સ્ટ્રોંગ બીયર ટીન-238 મળી કુલ 2,00,760/-રૂપીયા દારૂનો જથ્થો તેમજ ફોર વ્હીલ મળી રૂા.10,00,760/-રૂપીયાના મુદ્દામાલ સાથે શૈલેષ મનુભાઈ કાપત અને બન્ને ફોર વ્હીલના ચાલકો ઝડપી પાડવામાં આવ્યા. આ બાબતે ગોધરા એ ડીવીઝન પોલીસ મથકે પ્રોહિબીશન એકટ મુજબ ફરિયાદ નોંધાવા પામી છે.