- જાહેરમા એક વ્યકિતને બેરેહમી પૂર્વક ફટકારતાંનો વિડીઓ થયો વાયરલ…
- ગોધરાના વ્હોરવાડ ઢાળ વિસ્તારનો બનાવ
- ત્રણ યુવકો એક વ્યક્તિને ધોકા અને લોખંડની પાઇપ વડે ફટકારતાં વાયરલ વિડીયો માં નજરે પડી રહ્યાં છે
- ફરીયાદી યુવક દ્વારા આગાઉ કરવામાં આવેલ પોલીસ ફરિયાદ પાછી ખેંચવા બાબતની અદાવત રાખી યુવકને માર મારવામાં આવ્યો હોવાની હકિકત આવી સામે
- ઇજાગ્રસ્ત યુવકોને ગોધરા સિવિલ હોસ્પિટલ માં પ્રાથમિક સારવાર આપ્યા બાદ વધુ સારવાર માટે વડોદરા ખસેડાયો
- બી ડિવિઝન પોલીસે જાહેરમાં માર મારનાર સહીત 6 વ્યક્તિઓ વિરુદ્ધ ફરીયાદ નોંધવાની તજવીજ હાથ ધરી
ગોધરા,
ગોધરા શહેરના વ્હોરવાડ ઢાળ વિસ્તારમાં કેટલાક ઇસમો દ્વારા એક વ્યકિતને બેરહમી પૂર્વક લોખંડની પાઈપ અને ધોકા વડે મારમારવામાં આવ્યાનો વિડીયો વાયરલ થયો. આ બાબતે બી ડીવીઝન પોલીસ મથકે 6 ઈસમો વિરૂદ્ધ ફરિયાદ નોંધાવાની તજવીજ હાથ ધરી.
પ્રાપ્ત વિગતો મુજબ ગોધરા વ્હોરવાડ ઢાળ પાસેથી પસાર થતાં યુવાનને ત્રણ ઈસમો દ્વારા ધોકા અને લોખંડની પાઈપ વડે મારમારતો હોવાનો વિડીયો વાયરલ થયો જાહેરમાં ત્રણ ઈસમો દ્વારા યુવાનને મારમારવાના બનાવો વિડીયો વાયરલ થતાં પોલીસ હરકતમાં આવી. યુવાન દ્વારા અગાઉ કરવામાં આવેલ પોલીસ ફરિયાદ પાછી ખેંચવા બાબતની અદાવત રાખીને મારમારવામાં આવ્યાની હકીકત સામે આવી છે. ગંભીર રીતે ઈજાગ્રસ્ત થયેલ યુવાનને ગોધરા સિવિલમાં પ્રાથમિક સારવાર આપીને વધુ સારવાર માટે વડોદરા રીફર કરવામાં આવ્યો છે. જાહેરમાં મારામારીના બનાવ અંગે ગોધરા બી ડીવીઝન પોલીસ મથકે મારમારનાર ત્રણ ઈસમો સહિત છ ઈસમો વિરૂદ્ધ ફરિયાદ નોંધાવાની તજવીજ હાથ ધરવામાં આવી છે.