ગોધરા, ગોધરાના દાહોદ-વડોદરા હાઈવે લીલેસરા ચાર રસ્તા પાસે બાતમીના આધારે પોલીસે ચેકીંંગ કરી બાઈક ઉપર વેચાણ માટે લાવેલ 80 કિલો ગૌમાંસના જથ્થા સાથે એક ઈસમને ઝડપી પાડવામાં આવ્યો.
પ્રાપ્ત વિગતો મુજબ ગોધરા બી ડીવીઝન પોલીસને મળેલ બાતમીના આધારે દાહોદ-વડોદરા બાયપાસ હાઈવે લીલેસરા ચોકડી પાસે ચેકીંગમાં હતા. દરમિયાન અનવર અબ્દુલ રહિમ દાંત (રહે.ઉમર મસ્જીદ પાછળ, ગેની પ્લોટ)ને બાઈક નંંબર જીજે.17.એકયુ.6287 ઉભી રાખી થેલા માંથી 80 કિલો ગૌમાંસનો જથ્થો, બાઈક, મોબાઈલ ફોન અને રોકડા રૂપીયા 6,000/-મળી કુલ 47,500/-ના મુદ્દામાલ સાથે ઝડપી પાડવામાં આવ્યો. જ્યારે આરોપી માંસનો જથ્થો આપનાર આસીફ મળી નહિ આપતાં આ બાબતે ગોધરા બી ડીવીઝન પોલીસ મથકે પશુ સંરક્ષણ અધિનિયમ અંતર્ગત ગુનો નોંધાયો.