- વડોદરાના ડેપ્યુટી કલેકટર (જમીન સુધારણા) શ્રી અમિત પરમારના સાનિધ્યમાં કાર્યક્રમ યોજાયો.
ગોધરા,તાજેતરમાં જ ગોધરા ખાતે 45, વણકર સમાજ પ્રગતિ ટ્રસ્ટ દ્વારા ધોરણ 10 અને 12 ના તેજસ્વી તારલાઓ અને મહાનુભાઓનો સન્માન સમારોહ ગોધરાના મોર્યો ગામના વતની અને હાલ વડોદરાના ડેપ્યુટી કલેકટર (જમીન સુધારણા)અમિત પરમારના સાનિધ્યમાં યોજાયો હતો.
પ્રાપ્ત માહિતી મુજબ 45 વણકર સમાજના ધોરણ 10 અને 12માં જ્વલંત સફળતા મેળવનાર તેજસ્વી તારલાઓ અને સ્નાતક અને તેની સમકક્ષ કક્ષાના વિધાર્થીઓ અને સમાજના વર્ગ 1 અને 2ના ઓફિસરો, આરોગ્ય ક્ષેત્રે સેવારત ડોકટરો, સરકારશ્રીમાં નવી નોકરી મેળવનાર કર્મચારીઓ, ક્ષેત્રે સેવારત સમાજ સેવકો, સરપંચો, ધંધાના નિષ્ણાતો, સમાજના સાહિત્ય સર્જકો, સહિત પી.એચ.ડી.ની ઉપાધિ મેળવનાર મહાનુભાવોનો સન્માન સમારોહ
ગોધરા ખાતે ભારે દબદબાભેર સંપન્ન થયો.
ગોધરા ખાતે 45 ગામ વણકર સમાજ પ્રગતિ સેવા ટ્રસ્ટ દ્વારા ગોધરા જીલ્લા પંચાયત ખાતે આવેલા બી.આર.જી.એફ હોલમાં ડેપ્યુટી કલેક્ટર અમિતકુમાર કે પરમાર તથા શ્રીમતી જેનિસ પરમાર તથા પ્રો.ખંડુભાઈ પરમાર, જેઠાભાઈ કે પરમાર, નારાયણભાઈ પરમાર, કમલેશભાઈ પરમાર,અમજીભાઈ પરમાર, રતિલાલ પરમાર તથા અસ્મિતાબેન પરમારની ઉપસ્થિતિમાં સત્કાર સમારોહમાં 160 થી વધુ વ્યક્તિઓનું સન્માન કરવામાં આવ્યું હતું. ગોધરા ખાતે યોજાયેલા આ ભવ્ય કાર્યક્રમમાં વિવિધ સન્માનો કરી પ્રતિભાવંત મહાનુભાવોને સત્કારવામાં આવ્યા હતા. કાર્યક્રમમાં વિદ્યાર્થીઓને સન્માન પત્ર, ટ્રોફી, એવોર્ડ, ફાઈલ, સાલ, ડાયરી, પેન, ચોપડા, પુસ્તક જેવી સામગ્રી આપીને સન્માનિત કરવામાં આવ્યા હતા.
આ કાર્યક્રમમાં 45 ગામ વણકર સમાજના વિવિધ ગામોના મંડળના કોર કમિટીના સભ્યો સર્વશ્રી કાંતિભાઈ બી પરમાર, હરેશભાઈ જાદવ, દીપકભાઈ ચૌહાણ, કનુંભાઈ પરમાર, નટુભાઈ પરમાર, પ્રવીણભાઈ રાઠોડ, હસમુખભાઈ પરમાર, મહેશભાઈ પરમાર, રાજેશભાઈ પરમાર, શુરેશભાઈ પરમાર, પરેશભાઈ પરમાર, દીપકભાઈ પરમાર, અરવિંદભાઈ પટેલિયા, કિરીટભાઈ પરમાર, કિરીટભાઈ પટેલિયા, મહેન્દ્રકુમાર પરમાર ’ફોરમ’, ચંદ્રકાંતભાઈ પટેલિયા અને કેયુર ચૌહાણે ભારે જહેમત ઉઠાવી હતી. આ કાર્યક્રમમાં 45 ગામ વણકર સમાજના મહેમાનો અને સમાજના આગેવાનો મોટી સંખ્યામાં ઉપસ્થિત રહ્યા હતા.