ગોધરા,
ગોધરા શહેરના ખાડી ફળિયા વિસ્તારમાં સગીરા સાથે પ્રેમ સબંધ બાંધવા દબાણ કરીને એક ઈસમે સગીરાને હાથ પર બ્લેડ મારી હતી.
પ્રાપ્ત માહિતી અનુસાર ગોધરા શહેરના ખાડી ફળિયા વિસ્તારમાં રહેતી 18 વર્ષીય એક સગીરાએ ગોધરા શહેર બી ડિવિઝન પોલીસમથકે ફરિયાદ નોંધાવી હતી, જેમાં તેઓએ જણાવ્યું હતું કે ગત 22 તારીખે બપોરના સમયે સાગર મકવાણા નામના ઈસમે સગીરાના ઘરમાં ઘૂસીને તું મારી સાથે બોલતી કેમ નથી, તેમ જણાવીને સગીરાના હાથ પર બ્લેડ મારીને ઈજાઓ પહોંચી હતી, બીજી તરફ સગીરાના પિતા અને બહેન આવી જતા સાગર મકવાણા નામનો ઈસમ નાસી છૂટયો હતો, ત્યારે સમગ્ર મામલે ગોધરા શહેર બી ડિવિઝન પોલીસમથકે ફરિયાદ નોંધાવા પામી છે.