ગોધરા,\ ગોધરા જુની પોસ્ટ ઓફિસ અબ્દાલવાડાના ઢાળમાંં રહેણાંક ધરમાં માંસનો જથ્થો મંગાવીને વેચાણ માટે રાખેલ છે. તેવી બાતમીના આધારે પોલીસે રેઈડ કરી માંસનો જથ્થો વજન 70 કિલો 14,000/-રૂપીયા તથા અન્ય ચીજવસ્તુ મળી 51,920/-રૂપીયાનો મુદ્દામાલ ઝડપી પાડવામાંં આવ્યો.
પ્રાપ્ત વિગતો મુજબ ગોધરા જુની પોસ્ટ ઓફિસ અબ્દાલવાડાના ઢાળમાં રહેતા આલમગીરી હુસેન યાયમન એ આરોપી કાસીમ મહંમદ શેખ (રહે. ઈદગાહ મહોલ્લા) પાસેથી માંસ મટનનો જથ્થો લાવી પોતાના માલિકીના ધરમાં રાખેલ છે. તેવી બાતમીના આધારે પોલીસે રેઈડ કરી માંસનો જથ્થો વજન 70 કિલો 14,000/-રૂપીયા તથા વજનનો કાંટો છરો, મોબાઈલ ફોન, સ્કુટર મળી કુલ 51,920/-રૂપીયાના મુદ્દામાલ સાથે આમલગીરી હુસેન યાયમનને ઝડપી પાડવામાં આવ્યો. આ બાબતે ગોધરા એ ડીવીઝન પોલીસ મથકે ફરિયાદ નોંંધાવા પામી છે.