ગોધરા, ગોધરા-ફતેપુરા બસમાં એક મુસાફર પ્રવાસ કરી રહ્યો હતો તેની પાસે પૈસા અને જરૂરી ડોકયુમેન્ટ સાથેની બેગ હતી. મુસાફર ઉતાવળમાં પોતાનુ ગામ આવતા બેગ સીટ ઉપર ભુલી ઉતરી ગયો હતો. મુસાફરને પોતાની બસમાં બેગ ભુલી ગયા હોવાની જાણ થતાં તેઓએ ગોધરા એસ.ટી.ડેપો ખાતે સંપર્ક કરી બસમાં બેગ ભુલી ગયા હોવાની જાણ કરતા બસના કંડકટર આર.વાય.મલેકને જાણ કરતા કંડકટરે મુસાફરની બેગ પોતાની પાસે ગોધરા રાખી ગોધરા ખાતે આવી મુસાફરની ટિકીટ અને બેગની ખરાઈ કરવામાં આવી હતી. ત્યારબાદ ગોધરા એસ.ટી.ડેપો ખાતેના એટીઆઈ ડી.જે.ચારણ તથા કંટ્રોલર એસ.એસ.ખતરીની હાજરીમાં મુસાફરને બોલાવી પૈસા તેમજ ડોકયુમેન્ટ સાથેની બેગ પરત કરી હતી. આમ કંકડકટરે પ્રમાણિકતા અને માનવતાનુ ઉત્તમ ઉદાહરણ પુરૂ પાડયુ હતુ.