ગોધરા,
ગોધરા એલ.સી.બી. પોલીસે ગોધરા દાહોદ રોડ ઉપર આવેલા એક હોસ્પિટલ પાસેથી કારમાંથી વિદેશી દારૂ ની 1008 બોટલ જેની કુલ કિંમત રૂ.2,27,640, મોબાઈલ ફોન અને કાર મળી કુલ રૂ.4,37,640 નાં મુદ્દામાલ સાથે એક ખેપિયાને ઝડપી પાડી જરૂરી કાર્યવાહી હાથ ધરી હતી.
ગોધરા એલ.સી.બી. પોલીસને ખાનગી બાતમીદાર દ્રારા ચોક્કસ બાતમી મળી હતી કે ગોધરા દાહોદ રોડ ઉપર આવેલા એક હોસ્પિટલ પાસે સ્વિફ્ટ કારનો ચાલક તેની કારમાં વિદેશી દારૂનો જથ્થો ભરી ઊભો રહ્યો છે. ત્યારે પોલીસે બાતમી વાળા સ્થળ ઉપર જઈ તપાસ કરતા બાતમી વર્ણન મુજબની કારનો ચાલક મળી આવ્યો હતો. જેમાં કારની તપાસ કરતા વિદેશી દારૂની 1008 બોટલો મળી આવી હતી. જેની કિંમત રૂ.2,27,640 થવા પામી છે. પોલીસે આ કાર્યવાહી દરમિયાન મોબાઈલ ફોન તેમજ કાર ને પણ કબ્જે કરી હતી. પોલીસે કુલ રૂ.4,37,640 નો મુદ્દામાલ કબ્જે કર્યો હતો અને આ ગુન્હામાં કાર ચાલક ડાલચંદ લચ્છીરામજી ડાંગીની ધરપકડ કરી હતી.