ગોધરા, ગોધરા શહેર ભુરાવાવ પાર્વતીનગરના મકાન નં.88ને કોઇ ચોર ઈસમોએ નિશાન બનાવ્યું હતું અને ધરના મુખ્ય દરવાજાને મારેલ તાળું તોડી ધરમાં પ્રવેશ કરી કબાટમાં સોના-ચાંદીના દાગીના કિંમત 74,500/-રૂપીયાના મુદ્દામાલની ચોરી કર્યાની ફરિયાદ ગોધરા એ ડીવીઝન પોલીસ મથકે નોંધાવા પામી છે.
પ્રાપ્ત વિગતો મુજબ ગોધરા શહેર ભુરાવાવ પાર્વતીનગરમાં રહેતા દિવ્યાંગ મુળજીભાઇ પટેલના મકાન નં.88 ને કોઈ અજાણ્યા ચોર ઈસમોએ 23 ડિસેમ્બર થી 25 ડિસેમ્બર વચ્ચે નિશાન બનાવ્યું હતું અને ચોર ઈસમોએ ધરના મુખ્ય દરવાજાનું તાળું તોડી ધરમાં પ્રવેશ કર્યો હતો અને કબાટમાં રાખેલ રોકડા 15,000/-રૂપીયા, સોનાનું ડોકીયું નંગ-3 કિંમત 16,000/-રૂપીયા, સોનાનું બિસ્કીટ નંગ-1 પાંચ ગ્રામ કિંમત 25,000/-રૂપીયા સોનાની લકકી કિંમત 10,000/-રૂપીયા, ચુની, ચાંદીના દાગીના મળી કુલ 74,500/-રૂપીયાના મુદ્દામાલની ચોરી કરી જતાં આ બાબતે ગોધરા એ ડીવીઝન પોલીસ મથકે ફરિયાદ નોંધાવતા પોલીસે અજાણ્યા ચોર ઈસમો વિરૂદ્ધ ફરિયાદ નોંધી તપાસ કાર્યવાહી હાથ ધરી છે.