ગોધરા ભુરાવાવ ડબગર વાસમાં કેટલાક ઈસમો જાહેરમાં જુગાર રમતા હોય બી-ડીવીઝન પોલીસે રેઈડ કરી 10 જુગારીયાઓને ઝડપી પાડ્યા હતા. ઝડપાયેલ જુગારીયાઓની અંગઝડતી દરમિયાન 10,220/-રૂ.નો મુદ્દામાલ કબ્જે લેવામાં આવ્યો હતો.
પ્રાપ્ત માહિતી અનુસાર ગોધરા ભુરાવાવ ડબગર વાસમાં અંબે માતાના મંદિર પાસે ખુલ્લી જગ્યામાં કેટલાક ઈસમો જાહેરમાં જુગાર રમી રહ્યા છે તેવી બાતમીના આધારે બી-ડીવીઝન પોલીસે રેઈડ કરી કમલ રમેશભાઈ ડબગર, જીગ્નેશ મહેશભાઈ દેવડા, સચીન જયંતિભાઈ દેવડા, અલ્કેશ રાજેશ કુમાર દેવડા, ચિરાગ અરવિંદભાઈ દેવડા, રાકેશ જયંતિભાઈ ડબગર, ધર્મેન્દ્ર રતીલાલ દેવડા, મિહીર ધનરાજભાઈ દેવડા, નિકુલ રાજેશભાઈ ડબગર, ઉમંગ વિનોદભાઈ દેવડાને ઝડપી પાડવામાં આવ્યા હતા. ઝડપાયેલ જુગારીયાઓની અંગઝડતી અને દાવ ઉપર મુકેલ રૂ.10,220/-નો મુદ્દામાલ કબ્જે લેવામાં આવ્યો હતો. આ બાબતે બી-ડીવીઝન પોલીસ મથકે જુગારધારા હેઠળ ફરિયાદ નોંધાવવા પામી છે.