ગોધરા,
ગોધરા-વડોદરા હાઇવે માર્ગ ઉપર વેજલપુર પેટ્રોલ પંપ પાસે વેજલપુર થી કાલોલ તરફ જતા બે બાઈક ચાલકોને ટ્રક ચાલકે અડફેટમાં લેતા એક બાઈક સવારનું ધટના સ્થળે મોત નિપજાવા પામ્યું. જ્યારે બીજા બાઈક સવારને ઇજા થતાં સારવાર અર્થે હોસ્પિટલમાં ખસેડવામાં આવ્યો.
પ્રાપ્ત વિગતો મુજબ ગોધરા-વડોદરા હાઇવે માર્ગ ઉપર વેજલપુર ગામે પેટ્રોલ પંપ પાસેથી પસાર થતી બે મોટર સાયકલ નંબર જીજે.17.સીવી.8438 અને જીજે.17.બીઈ.1566 ને ટ્રક ચાલકે અડફેટમાં લીધા હતા. ટ્રકની અડફેટમાં આવેલ એક બાઈક સવારનુંં ધટના સ્થળે કમકમાટી ભર્યું મોત નિપજાવા પામ્યું. જ્યારે અન્ય બીજી બાઈક સવારને ઈજાઓ થતાં 108 મારફતે સારવાર માટે હોસ્પિટલમાં ખસેડવામાં આવ્યા. મળતી માહિતી મુજબ મૃત્યુ પામેલ બાઈક ચાલક ચાંચપુર ગામનો હોવાનું સામે આવ્યું છે. અકસ્માતની ધટનાના પગલે વેજલપુર પોલીસ ધટના સ્થળે દોડી આવી કાયદેસર કાર્યવાહી હાથ ધરી છે.