ગોધરા, ગોધરા શહેર બગીચા રોડ ઉપર બે ઈસમો બુકાની ટ્રેકટર સાથે નિકળીને રોડની વચ્ચે ડીવાઈડર ઉપર લાગેલ લોખંડની રેલીંગની ચોરી કરતાં હોવાનું સીસી ટી.વી.માં કેદ થયું છે. શહેરમાં ઠેરઠેર સીસી ટી.વી. કેમેરા લગાડવામાં આવ્યા હોવા છતાં ચોર ઈસમો ચોરી કરી જતા હોવાનો વિડીયો સોશ્યલ મીડીયામાં વાયરલ થતાં પોલીસ પણ ચોંકી ઉઠી છે.
ગોધરા શહેરના તમામ વિસ્તારોને સીસી ટી.વી. કેમેરાથી સજજ કરવામાં આવ્યા છે. તેમ છતાં ચોર ઇસમોને પકડાઈ જવાનો ડર ન હોય તેવો કિસ્સો ગોધરામાં સામે આવ્યો છે. ગોધરા બસ સ્ટેશન થી બગીચા રોડ ઉપર રોડની વચ્ચે ડીવાઇડર ઉર લોખંડની રેલીંગ લગાડવામાં આવેલ છે. તારી 3 માર્ચની રાત્રીના સમયે બે ચોર ઈસમો મોઢા ઉપર બુધાની બાંધીને ટ્રેકટર સાથે નિકળ્યા હતા અને રોડની વચ્ચે ડીવાઈડર ઉપર લાગેલ લોખંડની રેલીંગ માત્ર 3 મીનીટમાંં ચોરી કરી ટ્રેકટરમાં મુકી નાશી છુટતા હોય તેવા દ્દશ્યો સીસી ટી.વી.કેમેરામાં કેદ થયો છે અને આ વિડીયો હાલ સોશ્યલ મીડીયામાં વાયરલ થતાં ચોઈટાઓની બિન્દાર ચોરી ચર્ચાનો વિષય બન્યો છે.