ગોધરા,ગોધરાની ધી ખેતીવાડી બજાર સમિતિની ટર્મ પુર્ણ થતાં આગામી તા.31 મેના રોજ ચુંટણી યોજાવાની છે. ત્યારે ચુંટણી પહેલા પંચમહાલ જિલ્લા રજીસ્ટ્રારની કચેરી દ્વારા અધિકૃત અધિકારીની નિમણુંક કરીને પ્રાથમિક મતદારી યાદી તા.16ના રોજ પ્રસિદ્ધ કરી હતી ત્યારબાદ વાધા અરજીઓનો નિકાલ બાદ 5મી એપ્રિલે નવી મતદારયાદી જાહેર કરી હતી. તેમાં આવેલા વાંધા અરજીઓને અધિકૃત અધિકારીઓને એપીએમસીના નિયમો મુજબ ગ્રાહ્ય નહિ રાખીને 17મી એપ્રિલે આખરી મતદારયાદી જાહેર થતાં એપીએમસીની ચુંટણીના પડધમ શરૂ થયા હતા. આખરી મતદાર યાદીમાં વિભાગની 17 મંડળીઓના 245 મતદાર 10 ડિરેકટરોને ચુંટશે.