ગોધરા તાલુકામાં આંગળીયા ગ્રામ પંચાયત વિસ્તારમાં આવેલ સંગોડ ફળીયાના નાના ભુલકાઓને આંગણવાડીમાં ભણવા માટે ધરેથી દુર જવું પડતું હતું. જેને લઈ ગામ આંગણવાડીમાં જવા માટે નાના ભુલકાઓને મુશ્કેલી વેઠવી પડતી હતી. જેના કારણે કેટલાક નાના ભુલકાઓ આંગણવાડીમાં જતા નથી. ત્યારે ગામના યુવા મહિલા સરપંચ અર્પિતા પસાયાના પ્રયત્નો અને નાના ભુલકાઓને ધર નજીક ભણવા મળે તે હેતુસર મનરેગા યોજના હેઠળ ગામના સંગોડ ફળીયામાં નંદધરની મંજુરી મેળવી હતી અને આજરોજ સંગોડ ફળીયામાં નવા નંદધરનું ખાતમુર્હુત કરવામાં આવ્યું હતું. નંદધરના ખાતમુહુર્તમાં જાગૃત નાગરિકો તેમજ ભુલકાઓના વાલીઓ હાજર રહ્યા હતા.