ગીર સોમનાથ,
ગીર સોમનાથના ઉનાના લામધાર ગામે અકસ્માત સર્જાયો હતો. અકસ્માતમાં બે વ્યક્તિઓનું ઘટના સ્થળે જ મોત નિપજ્યું હતું. મૃતક બે વ્યક્તિઓમાં એક ઉનાના ખાણ ગામનો વતની અને એક દેલવાડા ગામનો હતો. કારચાલક પોતાનો કાબુ ગુમાવતા કાર બેઠા નાળા સાથે અથડાઈ હતી, ત્યારે પોલીસે ઘટના સ્થળે પહોચીને વધુ તપાસ હાથ ધરી છે. અકસ્માતમાં કારનો આગળના ભાગનો કચ્ચરઘાણ વળી ગયો છે, જ્યારે કાર ધડાકાભેર નાળા સાથે અથડતાં બે લોકોના મોત નિપજ્યાં હતાં.
સુરતના ભેસ્તાનમાં સીટી બસની ટક્કરે મ્ઇ્જી રૂટ ક્રોસ કરતા યુવકનું મોત થયું છે. સાથે રોડ ક્રોસ કરતો અન્ય યુવકનો માંડમાંડ જીવ બચ્યો છે. યુવકે બસને અટકાવવા માટે હાથ ઊંચો કર્યો છતાં ચાલકે બ્રેક ન મારી સીધો ધસી આવતા યુવકનું કરૂણ મોત થયું છે. જેને પગલે રોષે ભરાયેલા લોકોના ટોળાંએ બસમાં ભારે તોડફોડ કરી હતી. પાંડેસરા પોલીસે બસચાલક સામે ગુનો નોંધી વધુ તપાસ હાથ ધરી છે.
પંચમહાલમાં અકસ્માતમાં બે યુવકનાં મોત થયા છે. હાલોલના અભેટવા ગામ પાસે અકસ્માત થયો હતો. કાર અને બાઈક વચ્ચે અકસ્માત થયો હતો. જેમાં બાઈક્સવાર બંનેના મોત થયા છે. બંને મિત્રો નોકરીથી પરત આવતા હતા ત્યારે અકસ્માત સર્જાયો હતો. ઇકો કાર અને બાઇક વચ્ચે અકસ્માત થયો હતો. બાઇક પર સવાર ઈંટવાડી ગામના બે મિત્રોના કરુણ મોત થયા છે. બંને મિત્રો નોકરીથી પરત ફરી રહ્યા હતા ત્યારે અભેટવા ગામ નજીક અકસ્માતની ઘટના બની હતી.
સુરેન્દ્રનગર-લખતર હાઇવે પર બે બાઈક વચ્ચે અકસ્માત થયો હતો. દેદાદરા ગામના પાટિયા પાસેના અકસ્માતમાં એક વ્યક્તિનું ઘટના સ્થળે જ મોત નિપજ્યું હતું. અકસ્માતમાં અન્ય બે વ્યક્તિને ઈજાઓ પહોંચતા સારવાર અર્થે હોસ્પિટલ ખસેડવામાં આવ્યા હતા. પોલીસે ઘટના સ્થળે પહોંચી વધુ તપાસ હાથ ધરી છે. દેદાદરા ગામના પાટિયા પાસે બે બાઇક સામ-સામે અથડાતા અકસ્માત સર્જાયો હતો. જેમાં એક વ્યક્તિનું ઘટના સ્થળે મોત નિપજયું હતું.