ધોધંબા, ધોધંબા તાલુકાાના વાંકોડ ગમન બારીયા ફળીયા જતા રસ્તા ઉપર મહિન્દ્રા ટી.યુ.વી.ગાડીમાં ઈંગ્લીશ દારૂનો જથ્થો લઈ જવાઈ રહ્યો છે. તેવી બાતમીના આધારે ગાડી ઝડપી પાડી ઈંગ્લીશ દારૂ બિયર મળી 60,324/-રૂપીયાના તેમજ મોબાઈલ ફોન અને ગાડી મળી કુલ 3,64,324/-રૂપીયાના મુદ્દામાલ ઝડપી પાડવામાં આવ્યો.
પ્રાપ્ત વિગતો મુજબ ધોધંબા તાલુકાના વાંકોડ ગમન બારીયા ફળીયા પાસે રાજગઢ પોલીસે પેટ્રોલીંગમાં હતા. બાતમીવાળી ગાડી મહિન્દ્રા ટીયુવી 300 નં.જીજે.06.જેકયુ.1380ને નાકાબંધી કરીને રોકી હતી. પોલીસે ગાડીમાં ચેકીંગ કરતાં ગાડી માંંથી ઈંગ્લીશ દારૂની પ્લાસ્ટીક બોટલ નંગ-108, બીયર ટીન નંગ-168 મળી કુલ 60,324/-રૂપીયા તેમજ પકડાયેલ આરોપી લક્ષ્મણભાઇ ધાનકાભાઇ રાઠવા (રહે. ખંડબધ પૂજારીયા ફળીયા, છોટાઉદેપુર)ની અંગઝડતીમાં મોબાઈલ ફોન અને ગાડી મળી કુલ 3,64,324/-રૂપીયાનો મુદ્દામાલ કબ્જે લઈ આ બાબતે રાજગઢ પોલીસ મથકે પ્રોહિબીશન એકટ હેઠળ ફરિયાદ નોંધાવા પામી છે.