ધોધંબા,ધોધંબા તાલુકાના પોયલી નજીક જાંબુધોડા માર્ગ ઉપર ડીજેનો ટેમ્પો પલ્ટી ખાઈ જતાં ટેમ્પામાં બેઠેલ યુવક દબાઈ જતાં ગંભીર ઈજાગ્રસ્ત યુવકનું મોત નિપજાવા પામ્યું. જ્યારે અન્ય બે વ્યકિતને સામાન્ય ઈજાઓ થવા પામી.
પ્રાપ્ત વિગતો મુજબ ધોધંબા તાલુકાના પોયલી નજીક જાંબુધોડા માર્ગ ઉપર ડીજેનો ટેમ્પો જઈ રહ્યો હતો. જે ઢાળમાં ટેમ્પો પાછો પડીને પલ્ટી ખાઈ ગયો હતો. ડીજેનો ટેમ્પો પલ્ટી જતાં ટેમ્પોમાં રાખેલ વજનદાર જનરેટર સેટની વચ્ચે મુકેશભાઈ લક્ષ્મણભાઈ બારીયા નામના યુવકને ડીજે નીચેથી ભારે જહેમત બાદ બહાર કાઢવામાં આવ્યો પરંતુ યુવકનુંં મોત નિપજાવા પામ્યું હતું. જ્યારે બે વ્યકિતઓને સામાન્ય ઈજાઓ પહોંચી ડીજે ટેમ્પો પલ્ટી જવાની ધટનાને લઈ રાજગઢ પોલીસ ધટના સ્થળે દોડી આવી હતી.