ઘોઘંબા તાલુકાના ખરોડ માલ મહુડી ગામે રહેતા આરોપીએ પોતાના ધરમાં ઈંગ્લીશ દારૂનો જથ્થો રાખેલ છે તેવી બાતમીના આધારે રાજગઢ પોલીસે રેઈડ કરી 6,560/-રૂપિયાના દારૂના જથ્થો સાથે ઝડપી પાડ્યો હતો.
પ્રાપ્ત માહિતી અનુસાર ઘોઘંબા તાલુકાના ખરોડ માલ મહુડી ગામે રહેતા વિક્રમભાઈ કોયાભાઈ રાઠવા એ પોતાના ધરમાં ઈંગ્લીશ દારૂનો જથ્થો સંતાડી રાખેલ છે તેવી બાતમીના આધારે રાજગઢ પોલીસે રેઈડ કરી હતી. ધરમાંથી ગોવા સ્પિરીટ વ્હિસ્કિ બોટલ નંગ-13, ગોવા સ્પિરીટ વ્હિસ્કિ કવાટરીયા નંગ-8 મળી કુલ 6,560/-રૂ.ના મુદ્દામાલ સાથે વિક્રમ રાઠવાને ઝડપી પાડવામાં આવ્યો હતો. આ બાબતે રાજગઢ પોલીસ મથકે પ્રોહિબિશન એકટ હેઠળ ગુનો નોંધાવવા પામ્યો છે.