ગરબાડાના ઝરી ખરેલી ગામેથી દેશી કટ્ટા સાથે એક ઈસમને ઝડપ્યો

ગરબાડા,
દાહોદ એલ.સી.બી પોલીસે ગરબાડા તાલુકાના ઝરી ખરેલી ગામેથી એક શખ્સને દેશી તમંચા સાથે ઝડપી પાડી કાયદેસરની કાર્યવાહી હાથ ધરી હતી.

એલ.સી.બી.પોલીસે ગેરકાયદે હથિયારોની હેરાફેરી રોકવા જુદી જુદી ટીમ બનાવી નજર રાખી રહી હતી. તે સમયે ગરબાડા તાલુકાના ઝરી ખરેલી ગામેથી એક શખ્સ દેશી હાથ બનાવટના તમંચા સાથે ઝડપાઈ ગયો હતો. શખ્સની ધનિષ્ઠ પુછપરછ કરતા જણાવ્યુ હતુ કે, તેના પિતા સબલાભાઈ મુછાભાઈ બામણિયા ધણા સમય પહેલા આ હથિયાર કયાંકથી લાવ્યા હતા. તે હથિયાર કોની પાસેથી લાવ્યા તેની પકડાયેલા આરોપીને ખબર ન હતી.જેથી એલ.સી.બી.પોલીસે ગેરકાયદે હથિયાર સાથે ઝડપાયેલા આરોપી લક્ષ્મણ સબલા બામણિયાની પાસેથી હાથ બનાવટનો ગેરકાયદે રૂ.2 હજારનો તમંચો કબ્જે કરી દાહોદ એલ.સી.બી.પોલીસે ગરબાડા પોલીસ મથકે ફરિયાદ નોંધાવી કાર્યવાહી હાથ ધરી હતી.