દાહોદ,દાહોદ જીલ્લાના ગરબાડા તાલુકાના ટુંકીવજુ ગામે એક અજાણ્યા વાહનના ચાલકે એક મોપેડ ટુ વ્હીલર ગાડીને અડફેટમાં લેતાં ગાડી પર સવાર એક દંપતિને અડફેટમાં લેતાં મહિલાને શરીરે ગંભીર ઈજાઓ પહોંચતાં તેમનું મોત નીપજ્યાંનું જાણવા મળે છે.
ગત તા.18મી એપ્રિલના રોજ ગરબાડાના ટુંકીવજે ગામે રોઝી ફળિયામાંથી પસાર થતાં રોડ ઉપર એક અજાણ્યા વાહનના ચાલકે પોતાના કબજાનું વાહન પુરઝડપે અને ગફલત ભરી રીતે હંકારી પસાર થઈ રહ્યો હતો. તે સમયે ત્યાંથી મોપેડ ટુ વ્હીલર ગાડી લઈ પસાર થઈ રહે મડુભાઈ દિતાભાઈ પરમાર (રહે. બાવકા, ગામતળ ફળિયા, તા. જી. દાહોદ) તથા તેમની સાથે તેમની પત્નિ સુધાબેન બંન્ને અડફેટમાં લેતાં દંપતિ મોપેડ ટુ વ્હીલર ગાડી પરથી ફંગોળાઈ જમીન પર પટકાયાં હતા. જેને પગલે સુધાબેનને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું મોત નીપજ્યું હતું.
આ સંબંધે મડુભાઈ દિતાભાઈ પરમારે ગરબાડા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.