દાહોદ,દાહોદ જીલ્લાના ગરબાડા શહેરના રોહિત સમાજ દ્વારા તારીખ 14 એપ્રિલના રોજ ભારતના ઘડવૈયા ભારતરત્ન ડોક્ટર બાબાસાહેબ આંબેડકરની 133 જન્મ જયંતીની પરમ પૂજ્ય મહંત 108 કલ્યાણ ના અધ્યક્ષ સ્થાને તેમજ ગરબાડાના ધારાસભ્ય મહેન્દ્રભાઈ ભાભોર, મંડળના પ્રમુખ પ્રજીતસિંહ રાઠોડ તેમજ રાકેશભાઈ માળીની ઉપસ્થિતિમાં ભારતરત્ન, મહિલા મુક્તિદાતા, બંધારણના ઘડવૈયા ડો. બાબાસાહેબ આંબેડકરની 133 મી જન્મ જયંતી નિમિત્તે વંદન રેલી તથા જાહેર સભા યોજવામાં આવી હતી. આ કાર્યક્રમના મુખ્ય સૂત્રધાર અને દાહોદ જીલ્લા અનુસૂચિત જાતિ સમાજ કેળવણી મંડળના જીલ્લા કારોબારી સભ્ય પ્રવીણભાઈ ચાવડાએ તથા તેમની ટીમે ભારે જહમત ઉઠાવી હતી. કાર્યક્રમને સફળતા બક્ષી હતી. આ કાર્યક્રમમાં ગરબાડા નગર સહિત આજુબાજુના વિસ્તારના રોહિત સમાજના આગેવાનો ભાઈઓ બહેનો ખૂબ જ મોટી સંખ્યામાં જોડાયા હતા.