ગરબાડાના રામનાથ તળાવમાં નાવા ગયેલા આધેડનું ડૂબી જવાથી મોત

• આધેડના મૃતદેહને શોધવા માટે પોલીસ દ્વારા NDRF ટીમની મદદ લેવાય,

ગરબાડા, તારીખ 6ના ગરબાડાના રામનાથ તળાવમાં એક વ્યક્તિ ડૂબી ગયો હોવાની માહિતી ગરબાડા પોલીસને મળતા પોલીસ ઘટના સ્થળે પહોંચી હતી અને મૃતદેહ ને તળાવમાં શોધવાની તજવીજ હાથ ધરી હતી. તેમ છતાં મૃતદેહ ના મળતા ગરબાડા પોલીસ દ્વારા NDRFની ટીમને ઘટનાની જાણ કરવામાં આવી હતી એન.ડી.આર.એફ. દ્વારા શોધખોળ કરતા મૃતદેહ મળી આવ્યો હતો. જે મૃતદેહ ગરબાડા તાલુકાના સીમલીયા બુઝર્ગ ગામના કોદરભાઈ હીરાભાઈ રાઠોડ ઉંમર 73 વર્ષ હોવાનું સામે આવ્યું હતું. જેઓ ગત તારીખ 6 જૂનના રોજ સવારના દસેક વાગ્યાના અરસમાં ઘરે થી સરકારી મંડળીમાં ખાતરની તપાસ કરી આવું તેમ કહી નીકળ્યા હતા. તેઓ ગરબાડાના રામનાથ તળાવમાં નાહવા જતા તળાવમાં ડૂબી જવાથી તેમનું મોત નિભ્યું હતું. ઘટના સંદર્ભે ગરબાડા પોલીસ ઘટના સ્થળે પહોંચી મૃતદેહને પોસ્ટમોર્ટમ માટે નવા ફળિયા આરોગ્ય કેન્દ્ર ખાતે મોકલી અને કાયદેસરની કાર્યવાહી હાથ ધરી હતી.