દાહોદ, દાહોદ જિલ્લાના ગરબાડા ગુલબાર ગામેથી પોલીસે એક મોપેડ ટુ વ્હીલર વાહન પરથી વિદેશી દારૂ તથા બીયરનો કુલ રૂા.25,740ના પ્રોહી જથ્થા ગાડીની કિંમત મળી કુલ રૂા.75,7540નો મુદ્દામાલ કબજે કર્યાનું જ્યારે મોપેડ ટુ વ્હીલર ગાડીનો ચાલક નાસી જવામાં સફળ રહ્યાંનું જાણવા મળે છે.
ગત તા.23મી ડિસેમ્બરના રોજ ગરબાડા પોલીસને મળેલ બાતમીના આધારે ગુલબાર ગામે ખાટીયા ફળિયામાં નાકાબંધી કરી આવતાં જતાં તમામ નાના મોટા વાહનોની તલાસી હાથ ધરતાં હતાં તે સમયે ત્યાંથી બાતમીમાં દર્શાવેલ એક મોપેડ ટુ વ્હીલર ગાડી પસાર થતાં દુરથી પોલીસને જોઈ મોપેડ ટુ વ્હીલર ગાડીનો ચાલક સ્થળ પર મોપેડ ટુ વ્હીલર ગાડી મુકી નાસી ગયો હતો. પોલીસે મોપેડ ટુ વ્હીલર ગાડી પરથી વિદેશી દારૂ તથા બીયરની કુલ બોટલો નંગ.186 કિંમત રૂા.25,740ના પ્રોહી જથ્થા સાથે ગાડીની કિંમત મળી પોલીસે કુલ રૂા.75,740નો મુદ્દામાલ કબજે કરી આ સંબંધે ગરબાડા પોલીસે પ્રોહીનો ગુનો નોંધી આગળની કાયદેસરની કાર્યવાહી હાથ ધરી છે.