દાહોદ,
દાહોદ જિલ્લાના ગરબાડા તાલુકાના બોરીયાલા ગામે એક મોટરસાઈકલ સ્લીપ ખાઈ જતાં ઝાડ સાથે ધડાકાભેર અથડાતાં મોટરસાઈકલના ચાલકનું ગંભીર ઈજાઓને પગલે મોત નીપજ્યાંનું જાણવા મળે છે.
ગત તા.27મી જાન્યુઆરીના રોજ બોરીયાલા ગામે રોહીતવાસ ખાતે રહેતાં દિનેશભાઈ ખુશાલભાઈ પરમાર પોતાના કબજાની મોટરસાઈકલ લઈ બોરીયાલા ગામેથી પુરઝડપે અને ગફલત ભરી રીતે હંકારી પસાર થઈ રહ્યાં હતાં તે સમયે મોટરસાઈકલની વધુ પડતી ઝડપના કારણે મોટરસાઈકલ પરના સ્ટેરીંગ પરનો કાબુ ગુમાવી દેતાં મોટરસાઈકલ સ્લીપ ખાઈ નજીકમાં આવેલ ઝાડ સાથે ધડાકાભેર અથડાતાં મોટરસાઈકલ પર સવાર ચાલક દિનેશભાઈને શરીરે, હાથે પગે તેમજ માથાના ભાગે ગંભીર જીવલેણ ઈજાઓ પહોંચતાં તેમનું મોત નીપજ્યું હતું.
આ સંબંધે બોરીયાલા ગામે રોહીતવાલ ફળિયામાં રહેતાં વેચાતભાઈ છગનભાઈ પરમારે ગરબાડા પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.