નવીદિલ્હી, ભારતીય વાયુસેનાના વિંગ કમાન્ડર મનીષે ગણતંત્ર દિવસ પરેડને લઈને મોટી માહિતી આપી છે. તેમણે માહિતી આપી હતી કે ગણતંત્ર દિવસની પરેડમાં કુલ ૫૧ વિમાનો ભાગ લેશે. આ ૫૧ એરક્રાફ્ટમાં ૨૯ ફાઈટર એરક્રાફ્ટ, ૮ ટ્રાન્સપોર્ટ અને ૧૩ હેલિકોપ્ટર સામેલ છે.
વિંગ કમાન્ડર મનીષે કહ્યું કે, સી-૨૯૫ એરક્રાફ્ટ પહેલીવાર ગણતંત્ર દિવસની પરેડમાં ભાગ લેવા જઈ રહ્યું છે. ભારતીય વાયુસેના પણ તાંગેલ એરડ્રોપમાં જોવા મળશે. આ વિમાને ૧૯૭૧માં ભારતને પાકિસ્તાન પર જીત અપાવી હતી. આ સાથે એક ડાકોટા અને બે ડોનયર એરક્રાફ્ટ ટેંગોલ ફોર્મેશનમાં ઉડાન ભરશે. તેમણે વધુમાં માહિતી આપી હતી કે એલસીએ તેજસ પણ પ્રથમ વખત રિપબ્લિક પરેડમાં ભાગ લેવા જઈ રહી છે. તેજસ રચનામાં ચાર વિમાન ઉડશે.
ગણતંત્ર દિવસની પરેડમાં મહિલા પિટર પાઈલટને પણ સામેલ કરવામાં આવી છે. ભારતીય વાયુસેનાના પીઆરઓ વિંગ કમાન્ડર આશિષ મોઘેએ આ માહિતી આપી હતી. આ પરેડમાં ૪૮ મહિલા અગ્નિવીર પણ ભાગ લઈ રહી છે. આ સાથે ઝાંખીમાં ભારતીય વાયુસેનાની પ્રતિકૃતિ પ્રદર્શિત કરવામાં આવશે.
સ્ક્વોડ્રન લીડર રશ્મિ ઠાકુર પ્રજાસત્તાક દિવસની પરેડમાં ભારતીય વાયુસેનાની કૂચ ટુકડીનું નેતૃત્વ કરશે. તેમની સાથે સ્ક્વોડ્રન લીડર સુમિતા યાદવ, સ્ક્વોડ્રન લીડર પ્રતિતિ આહલુવાલિયા અને ફ્લાઈટ લેફ્ટનન્ટ કીર્તિ રોહિલ પણ હશે. ફ્લાઈટ લેફ્ટનન્ટ સૃષ્ટિ વર્મા ટ્રાઇ-સર્વિસ ટુકડીના સુપરન્યુમરરી ઓફિસર તરીકે કૂચ કરશે.
તમને જણાવી દઈએ કે આ વર્ષે ગણતંત્ર દિવસની પરેડમાં મેડ ઈન ઈન્ડિયા શસ્ત્રો આકર્ષણનું મુખ્ય કેન્દ્ર હશે. પરેડ દરમિયાન એલસીએચ પ્રચંડ હેલિકોપ્ટર, પિનાકા મલ્ટી બેરલ રોકેટ લોન્ચર અને એન્ટી ટેક્ધ મિસાઈલ નાગ જેવા સ્વદેશી હથિયારો પ્રદશત કરવામાં આવશે. ભારતમાં નિમત શસ્ત્રો જેવા કે ટી-૯૦ ટેક્ધ, બીએમપી-૨ પાયદળ લડાયક વાહન, ડ્રોન જામર, અદ્યતન ઓલ-ટેરેન બ્રિજ, સપાટીથી હવામાં પ્રહાર કરતી મિસાઇલો અને મલ્ટી-ફંક્શન રડાર વગેરેનું પણ પ્રદર્શન કરવામાં આવશે.
ફ્લાઈટ કોમ્બેટ હેલિકોપ્ટરની સાથે, ભારતીય સેનાના એએલએચ ધ્રુવ હેલિકોપ્ટરનું એક વેપનાઇઝ્ડ વર્ઝન, જેને રુદ્ર તરીકે પણ ઓળખવામાં આવે છે, તેને પણ પ્રદર્શિત કરવામાં આવશે. આ ઉપરાંત પિનાકા અને સ્વાતિ રડારને પણ ગણતંત્ર દિવસની પરેડમાં સામેલ કરવામાં આવ્યા છે. બંને ડીઆરડીઓ દ્વારા વિક્સાવવામાં આવ્યા છે. તમને જણાવી દઈએ કે આ વર્ષે ફ્રાન્સના રાષ્ટ્રપતિ ઈમેન્યુઅલ મેક્રોન ગણતંત્ર દિવસની પરેડમાં મુખ્ય અતિથિ હશે.