ગાંધીનગરના દશેલા ગામમાં મોટી દુર્ઘટના બની છે. દશેલા વિસ્તારમાં આવેલા એક તળાવમાં કાર ડૂબી ગઈ હતી. જેને લઈને કારમાં સવાર ૫ લોકો પણ ડૂબ્યા હતા, જેમાંથી ૪ લોકોના મોત થયા છે. જ્યારે એકની શોધખોળ હજુ ચાલી રહી છે. હાલ ગાંધીનગર ફાયર વિભાગની ટીમ તૈનાત થઈ ચૂકી છે. સ્થાનિકોની મદદથી ચાર મૃતદેહ બહાર કઢાયા છે.
મળતી માહિતી અનુસાર, કારમાં ૫ લોકો સવાર હતા. આ કાર અકસ્માત બાદ પાણીમાં ખાબકી હોવાનું માનવામાં આવી રહ્યું છે. જોકે, કારનો હજુ પતો લાગ્યો નથી.