નવીદિલ્હી, સાઉદી અરેબિયા ધીમે ધીમે આંતરરાષ્ટ્રીય રમતગમતમાં પોતાનો પગ જમાવવાનો પ્રયાસ કરી રહ્યું છે. સાઉદી અરેબિયાના ક્રાઉન પ્રિન્સે ઈન્ડિયન પ્રીમિયર લીગમાં મોટો હિસ્સો રોકાણ કરવાની ઈચ્છા વ્યક્ત કરી છે. બ્લૂમબર્ગ ન્યૂઝને ટાંકીને જણાવ્યું છે કે સાઉદી અરેબિયાના ક્રાઉન પ્રિન્સ મોહમ્મદ બિન સલમાન વિશ્વની સૌથી ધનાઢ્ય ક્રિકેટ લીગ ઈન્ડિયન પ્રીમિયર લીગ (આઈપીએલ)માં ૩૦ બિલિયનનો હિસ્સો ખરીદવામાં રસ ધરાવે છે. સાઉદી અરેબિયાએ ફૂટબોલ અને ગોલ્ફમાં અબજોનું રોકાણ કર્યું છે. નેમાર અને રોનાલ્ડો જેવા ઘણા મોટા નામ કરોડોની ફી લઈને સ્થાનિક ક્લબો માટે રમી રહ્યા છે.
અહેવાલ મુજબ, સાઉદી અરેબિયાના ક્રાઉન પ્રિન્સ મોહમ્મદ બિન સલમાનના સલાહકારોએ આઇપીએલને ૩૦ અબજ ડોલરની હોલ્ડિંગ કંપનીમાં રૂપાંતરિત કરવાના પ્રસ્તાવ અંગે ભારત સરકારના અધિકારીઓ સાથે વાત કરી છે. રિપોર્ટમાં કહેવામાં આવ્યું છે કે આ વાતચીત ત્યારે થઈ જ્યારે ક્રાઉન પ્રિન્સ સપ્ટેમ્બરમાં ભારતની મુલાકાતે આવ્યા હતા. એવું નોંધવામાં આવ્યું હતું કે સાઉદીઓએ લીગમાં ઇં૫ બિલિયનનું રોકાણ કરવાની અને તેને અન્ય દેશોમાં વિસ્તરણ કરવામાં મદદ કરવાનો પ્રસ્તાવ મૂક્યો હતો. અહેવાલ આપ્યો છે કે આઇપીએલના કસ્ટોડિયન, બોર્ડ ઓફ કંટ્રોલ ફોર ક્રિકેટ ઇન ઇન્ડિયા (બીસીસીઆઇ) એ ટિપ્પણી માટેની વિનંતીનો જવાબ આપ્યો ન હતો.
તમને જણાવી દઈએ કે ઈન્ડિયન પ્રીમિયર લીગ વિશ્વની સૌથી ધનિક લીગમાંથી એક છે. તેની શરૂઆત ૨૦૦૮માં કરવામાં આવી હતી. તે વિશ્વના ટોચના ક્રિકેટરો અને કોચને આકર્ષે છે. ૨૦૦૮ થી ૨૦૨૩ સુધી આઈપીએલની ૧૬ સીઝન થઈ છે. જેમાંથી ચેન્નાઈ સુપર કિંગ્સે પાંચ વખત ટાઈટલ જીત્યું છે. ચેન્નાઈ સુપર કિંગ્સ આઇપીએલ ૨૦૨૩ ની વિજેતા પણ છે.