નવીદિલ્હી, શાહરૂખ ખાનની જવાન બોક્સ ઓફિસ પર હજુ પણ હિટ છે. ફિલ્મને રિલીઝ થયાને ૨૧ દિવસ થઈ ગયા છે, પરંતુ ફિલ્મની કમાણી દરરોજ વધી રહી છે. આ જ કારણ છે કે શાહરૂખ ખાન, નયનથારા અને વિજય સેતુપતિની આ ફિલ્મે વર્લ્ડવાઈડ બોક્સ ઓફિસ પર ૧૦૦૦ કરોડ રૂપિયાથી વધુની કમાણી કરી છે. આ દરમિયાન જવાને તેના ચાહકોને એક ખાસ ભેટ આપી છે. આ ફિલ્મની ટિકિટ ફ્રી કરવામાં આવી છે. આ ઓફર માત્ર ત્રણ દિવસ માટે માન્ય છે.
વાસ્તવમાં, જવાનની ટિકિટ ખરીદો એક મેળવો ફ્રી બની ગઈ છે. એટલે કે એક ટિકિટ સાથે બીજી ટિકિટ ફ્રી છે. આ ફ્રી ટિકિટ બુક માય શો પર જ ઉપલબ્ધ છે. આ માહિતી ટ્રેડ એનાલિસ્ટ તરણ આદર્શે આપી છે. તેમણે જણાવ્યું કે ૨૯ સપ્ટેમ્બરથી ૩૦ સપ્ટેમ્બર સુધી એક ટિકિટ માટે બીજી ટિકિટ ફ્રી છે. તમને જણાવી દઈએ કે શાહરૂખ ખાનની જવાન બોક્સ ઓફિસ પર ૫૦૦ કરોડ રૂપિયાનો આંકડો પાર કરી ચૂકી છે, જ્યારે તેણે વિશ્ર્વભરમાં ૧૦૦૦ કરોડ રૂપિયાની કમાણી કરીને એક નવો આયામ સ્થાપિત કર્યો છે. બોક્સ ઓફિસ ટ્રેકર સચનિલ્કના પ્રારંભિક ડેટા અનુસાર, શાહરૂખ ખાનની જવાન ૨૧માં દિવસે માત્ર ૫.૧૫ કરોડ રૂપિયાનું કલેક્શન કરી શકી છે, ત્યારબાદ ભારતમાં જવાનની કમાણી ૫૭૬.૨૩ કરોડ રૂપિયા થઈ ગઈ છે.
વિશ્ર્વભરમાં આ આંકડો ૧૦૨૨ કરોડને વટાવી ગયો છે. ભારતમાં કુલ ૬૮૬.૧૫ કરોડ છે. ૨૦ દિવસની કમાણીની વાત કરીએ તો તેણે પહેલા દિવસે ૭૫ કરોડ રૂપિયા, બીજા દિવસે ૫૩.૨૩ કરોડ રૂપિયા, ત્રીજા દિવસે ૭૭.૮૩ કરોડ રૂપિયા, ચોથા દિવસે ૮૦.૧ કરોડ રૂપિયા, પાંચમાં દિવસે ૩૨.૯૨ કરોડ રૂપિયાની કમાણી કરી છે. છઠ્ઠા દિવસે ૨૬ કરોડ રૂપિયા, સાતમા દિવસે ૨૩.૨ કરોડ રૂપિયા અને આઠમા દિવસે ૨૧.૬ કરોડ રૂપિયાની કમાણી કરી છે.આ પછી પ્રથમ સપ્તાહનું કુલ કલેક્શન ૩૮૯.૮૮ કરોડ રૂપિયા હતું. પછી તેણે નવમા દિવસે ૧૯.૧ કરોડ રૂપિયા, ૧૦માં દિવસે ૩૧.૮ કરોડ રૂપિયા, ૧૧માં દિવસે ૩૬.૮૫ કરોડ રૂપિયા, ૧૨માં દિવસે ૧૬.૨૫ કરોડ રૂપિયા, ૧૩માં દિવસે ૧૪.૪ કરોડ રૂપિયા, ૧૪માં દિવસે ૯.૬ કરોડ રૂપિયાનું કલેક્શન કર્યું. અને ૧૫માં દિવસે રૂ. ૮.૧ કરોડ, બીજા સપ્તાહમાં રૂ. ૧૩૬.૧ કરોડની કમાણી કરી હતી. ફિલ્મે ૧૬માં દિવસે ૭.૬ કરોડ રૂપિયા, ૧૭માં દિવસે ૧૨.૨૫ કરોડ રૂપિયા, ૧૮માં દિવસે ૧૪.૯૫ કરોડ રૂપિયા, ૧૯માં દિવસે ૫.૪ કરોડ રૂપિયા અને ૨૦માં દિવસે ૪.૯ કરોડ રૂપિયાની કમાણી કરી હતી, જે ઘણી ઓછી હતી.