મલેકપુર,
14 વર્ષની સગીરાને લલચાવી ફોસલાવી પટાવી ભગાડી જનાર ફતેપુરા તાલુકાના સુખસર ગામના આરોપી વિજયભાઈ ગટુભાઈ હરીજનને ઈ.પી.કો.કલમ તેમજ પોકસો એકટ હેઠળ ર0 વર્ષની સખત કેદ અને દંડની સજા.
મહીસાગર લુણાવાડાના એડીશ્નલ સેશન્સ જજની કોર્ટમાં સ્પે.પોકસો. કેસ ચાલી જતા ઈ.પી.કો.કલમ તેમજ પોકસો એકટ હેઠળ ગુનામાં તકસીરવાન ઠરાવીને આરોપીને ર0 વર્ષની સખત કેદ અને દંડ હુકમનો આદેશ.
કોર્ટ દવારા કાનુની સેવા સત્તા મંડળ મહીસાગરને ભોગબનનારને રૂપિયા ત્રણ લાખ વળતર પેટે ચુકવવાનો હુકમ.
આ કેસની વિગત એવી છે કે દાહોદ જિલ્લાના ફતેપુરા તાલુકાના સુખસર ગામના આરોપી વિજયભાઈ ગટુભાઈ હરીજનનાઓએ સને ર0રરમાં સંતરામપુર તાલુકાની 14 વર્ષની સગીરાને લલચાવી ફોસલાવી પટાવી ભગાડી જઈને યોન શોષણ કરેલ હોય આરોપી વિરૂધ્ધ સંતરામપુર પોલીસ સ્ટેશનમાં પોકસો એકટ તેમજ ઈ.પી.કો. કલમ મુજબ ગુનો નોંધાયા બાદ મહીસાગરના એડીશ્નલ સેશન્સ જજની કોર્ટમાં સ્પે.પોકસો. કેસ શરૂ થયો હતો. આરોપી વિરૂધ્ધ સદર કેસ ચાલી જતા અને સરકાર તર્ફે સરકારી વકીલ જયવીરસિંહ જે. સોલંકીની ધારદાર દલીલોને ગ્રાહય રાખી સ્પે.પોકસો જજ અને એડીશ્નલ સેશન્સ જજ મમતાબેન એમ. પટેલે આવા ગુન્હાઓ અટકાવવા સારૂ સમાજમાં દાખલો બેસે તેવો ચુકાદો આપ્યો હતો અને કોર્ટે ઈ.પી.કો. કલમ તેમજ પોકસો એકટ હેઠળ આરોપી વિજયભાઈ ગટુભાઈ હરીજનનેે ર0 વર્ષની સખત કેદ અને દંડ ફટકારતો હુકમ કર્યો અને ભોગબનનારને કાનુની સેવા સત્તા મંડળ મહીસાગરને રૂપિયા ત્રણ લાખ વળતર પેટે ચુકવવાનો હુકમ કર્યો.