દાહોદ, દાહોદ જિલ્લાના ફતેપુરા તાલુકાના વાસીયાકુઈ ગામે એક ઈસમે એક 15 વર્ષીય સગીરા સાથે શારિરીક અડપગલા કરી છેડતી કરતા સગીરાએ બુમાબુમ કરી મુકતાં ઈસમ નાસી જવામાં સફળ રહ્યો હોવાનું જાણવા મળે છે.
ગત તા.24મી મેના રોજ ફતેપુરા તાલુકાના વાસીયાકુઈ ગામે રહેતો વિનોદભાઈ કોયાભાઈ ભાભોર ફતેપુરા તાલુકામાં રહેતાં એક 15 વર્ષીય સગીરાના ઘરમાં ઘુસી જઈ સગીરા સાથે શારિરીક અડપગલાં કરી તેમજ તેની છેડતી કરતાં સગીરાએ બુમાબુમ કરી મુકતાં સગીરાના પરિવારજનો દોડી આવ્યાં હતાં. સગીરાના પરિવારજનો આવી જતાં વિનોદભાઈ નાસી છુટવામાં સફળ રહ્યો હતો.
આ સંબંધે સગીરાના વાલી વારસ દ્વારા સુખસર પોલીસ મથકે ફરિયાદ નોંધાંવતાં પોલીસે ગુનો નોંધી આગળની કાયદેસરની કાર્યવાહી હાથ ધરી છે.