ફતેપુરા, ફતેપુરામાં છેલ્લા ત્રણ દિવસથી ગાયના આતંકને લઈને લોકોમાં ડરનો માહોલ જોવા મળી રહ્યો છે. ગાંડી બનેલી ગાય પોતાના વાછરડા અને અન્ય એક ગાય સાથે બજારમાં છડેચોક ફરતા લોકોમાં ડરનો માહોલ જોવા મળી રહ્યો છે. બજાર વચ્ચે ગાય ઉભી રહેતા રસ્તે પસાર થતાં રાહદારીઓ તેમજ વાહનો લઈને પસાર થતાં મુસાફરોને માંથુ ભટકાવી સામે ચાલી દોડી જઈ ઈજાઓ પહોંચાડવાની કોશિષ કરી છે તેના કારણે બજાર વિસ્તારમાં સંખ્યાબંધ વખત નાસભાગના દ્રશ્યો સર્જાઈ ચુકયા છે. છેલ્લા ત્રણ દિવસથી ગાયને પશુ આરોગ્ય વિભાગ દ્વારા કે પંચાયત દ્વારા પકડીને કબ્જામાં લઈ સારવાર આપવાની કાર્યવાહી કરવામાં આવી નથી. ગાયને પકડી કાબુમાં કરવામાં ન આવતા તંત્ર પ્રત્યે લોકોની રોષની લાગણી ફેલાઈ હતી. જેથી ઉચ્ચ અધિકારીઓ દ્વારા પશુ આરોગ્ય ટીમને તાત્કાલિક અસરથી સુચનાઓ આપી ગાંડી બનેલી ગાયને પકડવા માટે માંગ કરાઈ રહી છે.