મહારાષ્ટ્રના પૂર્વ ગૃહમંત્રી અનિલ દેશમુખે ફરી એકવાર ડેપ્યુટી સીએમ દેવેન્દ્ર ફડણવીસ પર પ્રહારો કર્યા છે. તેમણે કહ્યું કે દેવેન્દ્ર ફડણવીસે મુંબઈના ભૂતપૂર્વ પોલીસ કમિશનર પરમબીર સિંહને ધરપકડથી બચાવવાનો પ્રયાસ કર્યો હતો. આ સાથે મહાવિકાસ આઘાડી સરકારને પછાડવા માટે મારા પર ખોટા આક્ષેપો કરવામાં આવ્યા હતા. જ્યારે ભાજપે આરોપોને નકારી કાઢ્યા હતા. તેને ફડણવીસને બદનામ કરવાની રણનીતિ પણ ગણાવી હતી.
રાષ્ટ્રવાદી કોંગ્રેસ પાર્ટી (શરદચંદ્ર પવાર)ના નેતા દેશમુખે એપ્રિલ ૨૦૨૧ માં ગૃહ પ્રધાન તરીકે રાજીનામું આપ્યું હતું જ્યારે મુંબઈ પોલીસ કમિશનર પરમબીર સિંહે તેમના પર શહેરના હોટેલ અને બાર માલિકો પાસેથી દર મહિને ૧૦૦ કરોડ વસૂલવામાં મદદ કરવાનો આરોપ મૂક્યો હતો. આ અંગે દેશમુખે રવિવારે કહ્યું હતું કે ફડણવીસના કહેવાથી બરતરફ પોલીસ અધિકારી સચિન વાજેએ તેમની સામે આક્ષેપો કર્યા હતા.
સોમવારે નાગપુરમાં દેશમુખે કહ્યું હતું કે હું જ્યારે મહારાષ્ટ્રનો ગૃહપ્રધાન હતો ત્યારે તપાસ બાદ જાણવા મળ્યું હતું કે મુંબઈના તત્કાલિન પોલીસ કમિશનર પરમબીર સિંહે ઉદ્યોગપતિ મુકેશ અંબાણીના એન્ટિલિયા નિવાસસ્થાન પાસે મળેલી સ્કોપયો કારમાં જિલેટીનની લાકડીઓ લગાવી હતી સ્કોર્પિઓ કારનો તે હત્યા કેસનો મુખ્ય સૂત્રધાર હતો. સિંહે તેના અન્ય સહયોગીઓ સાથે મળીને આ અંજામ આપ્યો હતો. આ આરોપમાં પૂર્વ પોલીસ કમિશનર સિંહની ત્રણ વર્ષની ધરપકડ થવાની હતી, પરંતુ સિંહ ફડણવીસ અને કેન્દ્ર સરકાર પાસે ગયા.
દેશમુખે જણાવ્યું હતું કે ફડણવીસે તેમને ખાતરી આપી હતી કે તેમની ધરપકડ કરવામાં આવશે નહીં અને શરત મૂકી કે તેઓ તેમના પર એમવીએ સરકારને તોડી પાડવાનો આરોપ લગાવશે. એટલા માટે પરમબીર સિંહે મારા પર આરોપ લગાવ્યો.
ભૂતપૂર્વ ગૃહ પ્રધાન અનિલ દેશમુખે ફડણવીસને જસ્ટિસ ચાંદીવાલ કમિશનનો રિપોર્ટ સાર્વજનિક કરવા જણાવ્યું હતું, જેમાં તેમને ક્લીનચીટ આપવામાં આવી છે. ફડણવીસે રવિવારે કહ્યું હતું કે જ્યારે ચાંદીવાલ કમિશનનો રિપોર્ટ આવ્યો ત્યારે મહાવિકાસ અઘાડીની સરકાર હતી. તેના જવાબમાં દેશમુખે કહ્યું કે એ વાત સાચી છે કે જ્યારે રિપોર્ટ આવ્યો ત્યારે મહાવિકાસ આઘાડીની સરકાર હતી. પરંતુ તે થોડા દિવસોમાં જ પડી ભાંગી. તેથી એમવીએ સરકાર રિપોર્ટને સાર્વજનિક કરી શકી નથી. મહાયુતિ સરકાર છેલ્લા બે વર્ષથી રિપોર્ટને દબાવી રહી છે. નાગપુરમાં દેશમુખ વિરુદ્ધ લગાવવામાં આવેલા બેનરો અંગે તેમણે કહ્યું કે આ બેનરો પણ દેવેન્દ્ર ફડણવીસના કહેવા પર લગાવવામાં આવ્યા હતા. જેને પોલીસે હટાવી લીધા છે.
આ દરમિયાન ભાજપના પ્રદેશ પ્રવક્તા ચંદન ગોસ્વામીએ વિપક્ષના આરોપોને જુઠ્ઠું બોલવાની વ્યૂહરચના ગણાવી છે. ગોસ્વામીએ પ્રશ્ર્ન કર્યો કે વિપક્ષના નેતા પોલીસ કમિશનરને ગૃહમંત્રી સામે આક્ષેપો કરવા માટે કેવી રીતે કહી શકે? કારણ કે કમિશનરની નિમણૂક એમવીએમ સરકારે જ કરી હતી. આ ફડણવીસને બદનામ કરવાની રણનીતિ છે.