શહેરમાં સોશિયલ મીડિયા પર અશ્લીલ ફોટા અને વીડિયો દ્વારા સ્કૂલની વિદ્યાથનીને ફસાવીને તેના પર બળાત્કાર અને બ્લેકમેલ કરવાની ઘટના સામે આવી છે. અજમેર પોલીસે આરોપીની ધરપકડ કરી છે. પોલીસ તપાસમાં સામે આવ્યું છે કે પકડાયેલ આરોપી અરબાઝ સેવન વન્ડરની બહાર ફોટોગ્રાફી કરે છે. નજીકની શાળાઓમાં ભણતી ઘણી છોકરીઓ સેવન વન્ડર્સમાં આવતી હોવાથી અરબાઝને સરળતાથી તેમની સાથે મિત્રતા કરવાનો મોકો મળે છે. તપાસમાં જાણવા મળ્યું કે ઘણી સ્કૂલની વિદ્યાથનીઓ અરબાઝ અને ઈરફાનના સંપર્કમાં હતી.
પોલીસે જ્યારે બંને આરોપીઓના મોબાઈલ ફોનના કોલ ડિટેઈલ રિપોર્ટ (સીડીઆર) કાઢ્યા ત્યારે તેમને એવા ઘણા નંબરો મળ્યા જેના પર સતત વાતચીત ચાલી રહી હતી. આ મામલામાં ઈરફાન અને અરબાઝ સિવાય પણ ઘણા નામો સામે આવી રહ્યા છે. પોલીસે રવિવારે અન્ય ચાર છોકરાઓની પણ પૂછપરછ માટે અટકાયત કરી હતી. પોલીસે આરોપી ઈરફાન અને અરબાઝને રવિવારે વેકેશન કોર્ટમાં રજૂ કરીને બે દિવસનો સમય માંગ્યો હતો.
આ બાબતનો ખુલાસો કરતા પોલીસ અધિક્ષક દેવેન્દ્ર વિશ્ર્નોઈએ કહ્યું કે પોલીસ આ મામલાને ગંભીરતાથી લઈ રહી છે. બે યુવકોની ધરપકડ કરવામાં આવી છે અને ચાર યુવકોની પૂછપરછ કરવામાં આવી રહી છે. આરોપી વિરૂદ્ધ નિવેદન આપતા પીડિત છોકરીના પિતાએ પોલીસને જણાવ્યું કે ૨૩ ઓક્ટોબરના રોજ તેમની પુત્રીએ કોચિંગ સેન્ટરમાં એક છોકરી સાથે મિત્રતા કરી હતી. તેણે દીકરીને ઈન્સ્ટાગ્રામ પર એક છોકરાની આઈડી મોકલી અને તેની સાથે મિત્રતા કરવા કહ્યું, જેને દીકરીએ બ્લોક કરી દીધી. પુત્રીના મિત્રએ ફરી તેને ફસાવી અને ઈન્સ્ટાગ્રામ પર એક છોકરા સાથે તેની મિત્રતા કરી.
તેણે જણાવ્યું કે આરોપીએ દીકરીને ફસાવીને ઈન્સ્ટાગ્રામ આઈડીનો પાસવર્ડ ચોરી લીધો અને પછી દીકરીના આઈડીનો દુરુપયોગ કર્યો અને ઘણી છોકરીઓને અશ્લીલ મેસેજ મોકલવા લાગ્યો. તેણે દીકરીને અશ્લીલ ક્લિપથી બ્લેકમેલ કરી પૈસાની માંગણી કરવા લાગ્યો. બ્લેકમેલિંગથી પરેશાન દીકરીએ છુપી રીતે ઘરેથી લાખો રૂપિયા આપી દીધા હતા.
દરમિયાન અજમેર નોર્થ ઝોનના ધારાસભ્ય અને વિધાનસભાના અધ્યક્ષ વાસુદેવ દેવનાની અને દક્ષિણ ઝોનના ધારાસભ્ય અનિતા બઘેલે માંગ કરી છે કે છોકરીઓને બ્લેકમેલ કરનારા આરોપીઓ સામે કડક કાર્યવાહી કરવામાં આવે. પોલીસે એ પણ શોધી કાઢવું ??જોઈએ કે કેટલી છોકરીઓ આ ગૃપનો ભોગ બની છે. દેવનાનીએ માંગ કરી છે કે આરોપીઓના ઘરો પર બુલડોઝરનો ઉપયોગ કરવામાં આવે. દેવનાનીએ કહ્યું કે તેઓ પોતે આ મામલાની દેખરેખ રાખી રહ્યા છે. જરૂર પડશે તો મુખ્યમંત્રી ભજનલાલ શર્મા સાથે પણ વાતચીત કરવામાં આવશે.