દ્વારકા, દ્વારકાના અતિપ્રસદ્ધિ નાગેશ્ર્વર મહાદેવ મંદિરમાં દર્શનાર્થીઓને દર્શન કરવા અંગે બબાલ થઈ હતી. આ દરમિયાન થયેલી મારામારીનો વીડિયો વાયરલ થયો હતો. જેમાં પંડિતો દ્વારા ભક્તોને મારામારીનો આક્ષેપ થયો હતો. પરંતું એક મહિલાએ જબરદસ્તીથી મંદિરના ગર્ભગૃહમાં પ્રવેશ કરવા મુદ્દે આ બોલાચાલી થઈ હોવાનું ખૂલ્યું છે. મહિલા મંદિર વ્યવસ્થા તોડીને ગર્ભગૃહમાં પ્રવેશ કરતી હોવાના સીસીટીવી સામે આવ્યા છે.
નાગેશ્ર્વર મહાદેવ મંદિરનો બલાલનો વીડિયો વાયરલ થયા બાદ આજે બીજા સીસીટીવી ફૂટેજ સામે આવ્યા છે. જેમા સ્પષ્ટ જોવા મળ્યું કે, મહિલા જબરદસ્તી મંદિર ગર્ભગૃહ પ્રવેશ કરી રહી છે. મહિલાના રેલિંગ કૂદીને અંદર આવી રહ્યાં અને મંદિર તંત્ર દ્વારા તેને અટકાવવાનો પ્રયાસ કરાઈ રહ્યો છે તેવુ સીસીટીવીમાં દેખાય છે. દર્શનાર્થી મહિલાએ મંદિર વ્યવસ્થાને તોડી ગર્ભ ગૃહમાં પ્રવેશ કરવાનો પ્રયાસ કર્યો હતો. જેથી પૂજારી અને સ્ટાફ દ્વારા મહિલાને સમજાવતા બબાલ મચી હતી. ગર્ભગૃહમાં પ્રવેશ અંગે રોજ લગાવતા બબાલ સર્જાઈ હતી. સિક્યોરિટી દ્વારા રોકવામાં આવતા મહિલાએ હાથપાઈ કરી હતી.
આ ઘટના અંગે મંદિરના પંડિતે જણાવ્યું કે, નાગેશ્ર્વર મંદિરમાં બનેલી ઘટનાનો વીડિયો વાયરલ થયો છે. તેમાં હકીક્ત કંઈક અલગ જ છે. એક મહિલાએ મંદિરના નિયમ મુજબ દર્શન કરવાનો પ્રયાસ કર્યો હતો. રેલિંગ કૂદીને તેઓ અંદર જતા રહ્યા હતા. તેમણે મંદિરના કર્મચારીઓ સાથે ખરાબ વ્યવહાર કર્યો હતો. ઉદ્ધતાઈભર્યુ વર્તન કર્યુ હતું. આ મહિલાએ કપડા પણ ફાડવાનો પ્રયાસ ક્રયો હતો. તેમજ મંદિર ટ્રસ્ટ તેમજ પૂજારીને બદનામ કરવાનો પ્રયાસ કર્યો હતો. તેથી ભક્તોને નમ્ર અપીલ છે કે, સત્ય હકીક્ત પર યાન આપે.
નાગેશ્ર્વર મંદિર કે નાગનાથ મંદિર દ્વારકાની સીમમાં આવેલું પ્રસિદ્ધ દ્વાદશ (૧૨) જ્યોતિલગમાંનું એક છે. નાગેશ્ર્વરનો અર્થ નાગોના ભગવાન એવો થાય છે અને તે વિષથી મુક્તિ અર્થાત શિવજી દ્વારા ખરાબ વૃત્તિઓથી મુક્તિને પ્રદશત કરે છે. રુદ્ર સંહિતામાં શિવને ’દારુકાવન નાગેશમ્’ તરીકે ઓળખાવ્યા છે.