મુંબઇ,
ફોર્બ્સના રિયલ ટાઈમ બિલિયોનેર્સ ઈન્ડેક્સના તાજેતરના રિપોર્ટમાં દુનિયાના દસ સૌથી વધુ ધનિક લોકોની યાદીમાં એલન મસ્ક ફરીએવાર નંબર વન પર છે.. ચાલો નજર કરીએ આ યાદીમાં સમાવિષ્ટ દસ લોકોના નામ અને તેમની સંપતિ નીચે પ્રમાણે છે
૧. એલોન મસ્ક : ટેસ્લાના સહ-સ્થાપક અને સીઇઓ એલોન મસ્ક ૧૯૧.૨ બિલિયન ડોલરની નેટવર્થ સાથે વિશ્ર્વના સૌથી ધનિક વ્યક્તિ છે. જો કે આ વર્ષે તેમની નેટવર્થમાં લગભગ ૨૦૦ બિલિયન ડોલરનો ઘટાડો થયો છે, જેના કારણે તેમની અને અને આ યાદીમાં બીજા નંબરે આવતી વ્યક્તિ વચ્ચેની સંપતિમાં બહું મોટો ફરક રહ્યો નથી.
૨. બર્નાર્ડ આર્નોલ્ટ અને કુટુંબ: એલવીએમએચના સીઇઓ અને ચેરપર્સન બર્નાર્ડ આર્નોલ્ટ ૧૭૯.૫ બિલિયન ડોલરની નેટવર્થ સાથે વિશ્ર્વના બીજા સૌથી ધનિક વ્યક્તિ છે.
૩. ગૌતમ અદાણી : ગૌતમ અદાણી વિશ્ર્વના ત્રીજા નંબરના સૌથી ધનિક વ્યક્તિ છે અને તેમની કુલ સંપત્તિ ૧૩૩.૬ બિલિયન ડોલર થઈ ગઈ છે. ગૌતમ અદાણી અદાણી ગ્રુપના સ્થાપક અને ચેરપર્સન છે.
૪. જેફ બેઝોસ : એમેઝોનના સ્થાપક જેફ બેઝોસ ૧૧૭.૩ બિલિયન ડોલરની નેટવર્થ સાથે વિશ્ર્વના ચોથા સૌથી ધનિક વ્યક્તિ છે.
૫. વોરેન બફેટ : વોરેન બફેટ બાર્કશાયર હેથવેના સીઈઓ છે અને વિશ્ર્વના ટોચના ૧૦ સૌથી ધનિક લોકોની યાદીમાં પાંચમા ક્રમે છે. તેમની કુલ નેટવર્થ ૧૦૮.૫ બિલિયન ડોલર છે.
૬. બિલ ગેટ્સ : માઇક્રોસોટના સહ-સ્થાપક બિલ ગેટ્સ ૧૦૫.૩ બિલિયન ડોલરની નેટવર્થ સાથે વિશ્ર્વના છઠ્ઠા સૌથી ધનિક વ્યક્તિ છે.
૭. લેરી એલિસન : લોરેન્સ જોસેફ એલિસન ઓરેકલ કોર્પોરેશનના સહ-સ્થાપક અને ભૂતપૂર્વ મુખ્ય કાર્યકારી અધિકારી છે અને વિશ્ર્વના સાતમા સૌથી ધનિક વ્યક્તિ છે. તેમની કુલ સંપત્તિ હાલમાં ૧૦૪.૮ બિલિયન ડોલર છે.
૮. મુકેશ અંબાણી : ભારતના અબજોપતિ ઉદ્યોગપતિ અને રિલાયન્સ ઇન્ડસ્ટ્રીઝના માલિક મુકેશ અંબાણી વિશ્ર્વના ટોચના ૧૦ સૌથી અમીર લોકોની યાદીમાં ૮મા ક્રમે છે. તેમની કુલ નેટવર્થ ૯૬.૪ બિલિયન ડોલર છે.
૯. કાર્લોસ સ્લિમ હેલુ એન્ડ ફેમિલી : કાર્લોસ સ્લિમ હેલુ અને તેમના પરિવારની મેક્સીકન કંપનીઓમાં મોટી હોલ્ડિંગ છે જે તેમના વિશાળ સમૂહ હેઠળ આવે છે. તેઓ હાલમાં વિશ્ર્વના નવમા સૌથી ધનિક વ્યક્તિ છે અને તેમની કુલ સંપત્તિ ૮૬.૨ બિલિયન ડોલર છે.
૧૦. લેરી પેજ : લેરી પેજ આલ્ફાબેટના બોર્ડ સભ્યોમાંના એક છે અને વિશ્ર્વના દસમા સૌથી ધનિક વ્યક્તિ છે, હાલમાં તેમની કુલ સંપત્તિ ૮૪.૪ બિલિયન ડોલર છે.