રાંચી, પોલીસે ઝારખંડના દુમકાના મોફસિલ વિસ્તારમાં એક સગીર સામૂહિક બળાત્કારની ફરિયાદ પર એફઆઇઆર નોંધી છે.
દુમકાના ડેપ્યુટી સુપરિન્ટેન્ડેન્ટ ઓફ પોલીસ (ડીએસપી) વિજય કુમારે જણાવ્યું હતું કે ત્રણ આરોપીઓની ઓળખ કરવામાં આવી છે અને આરોપીઓને પકડવા માટે એક વિશેષ ટીમની રચના કરવામાં આવી છે. ડીએસપીએ કહ્યું, છોકરી સગીર છે… એફઆઇઆર નોંધવામાં આવી છે. ત્રણ આરોપીઓની ઓળખ થઈ ગઈ છે, જ્યારે અન્યની ઓળખ થવાની બાકી છે.
અધિકારીએ કહ્યું કે પીડિતાને કાઉન્સેલિંગ માટે ચાઈલ્ડ વેલફેર કમિટી સમક્ષ રજૂ કરવામાં આવી હતી. તેમણે કહ્યું, ’આરોપીને પકડવા માટે એક વિશેષ ટીમ બનાવવામાં આવી છે. તેમની ધરપકડ બાદ અમે પુષ્ટિ કરી શકીશું કે આરોપીઓ સગીર છે કે નહીં. ગેંગ રેપની આ કથિત ઘટના ૨૫ સપ્ટેમ્બરે દુમકાના મોફસિલ પોલીસ સ્ટેશન વિસ્તારમાં બની હતી. જ્યારે ગ્રામ પંચાયતનું આયોજન કરીને સમસ્યાનો ઉકેલ લાવવાના પ્રારંભિક પ્રયાસો નિષ્ફળ ગયા, ત્યારે પીડિતાએ તેના પરિવારના સભ્યો સાથે પોલીસ સ્ટેશનનો સંપર્ક કર્યો અને શનિવારે એક દિવસ પહેલા ફરિયાદ નોંધાવી.
પીડિતા ધોરણ ૧૦ની વિદ્યાર્થીની છે અને તે આદિવાસી સમુદાયની છે. ઝ્રઉઝ્ર સભ્ય અમરેન્દ્ર કુમારે પણ પોલીસના નિવેદનની પુષ્ટિ કરી છે. તેણે કહ્યું, ’કેસ નોંધવામાં ઘણો સમય લાગ્યો. યુવતીએ ઝ્રઉઝ્ર સમક્ષ પોતાનું નિવેદન નોંધ્યું છે. ઝ્રઉઝ્ર સભ્યએ દુમકામાં બની રહેલી આવી ઘટનાઓ પર ચિંતા વ્યક્ત કરી હતી.
કુમારે કહ્યું, ’તેના નિવેદન મુજબ તેણી સાથે સામૂહિક બળાત્કાર થયો હતો.’ તેમણે કહ્યું કે દુમકામાં આવી ઘણી ઘટનાઓ બની રહી છે. તે ચિંતાનો વિષય છે.