ચૂંટણી બાદ દેશના વિવિધ રાજ્યોમાં મોંઘવારી વધવા લાગી છે. કર્ણાટક ફરી એકવાર સામે આવ્યું છે. ઈંધણ એટલે કે પેટ્રોલ અને ડીઝલના ભાવમાં વધારા બાદ કર્ણાટકમાં દૂધ પણ મોંઘુ થઈ ગયું છે. આ વધારા બાદ સામાન્ય લોકોના ખિસ્સા પર બોજ વધશે તે નિશ્ર્ચિત માનવામાં આવે છે. ખાસ વાત એ છે કે દૂધની કિંમતમાં વધારો થતાં હવે લોકોને દરેક પેકેટ પર ૫૦ મિલીલીટર વધુ દૂધ મળશે. અગાઉ અમૂલ અને મધર ડેરીએ પણ દૂધના ભાવમાં વધારો કર્યો હતો. આ વધારાનું મુખ્ય કારણ ઉત્પાદન હોવાનું જણાવવામાં આવી રહ્યું છે. જેમાં છેલ્લા ૧૮ મહિનાથી સતત વધારો થઈ રહ્યો છે.
કર્ણાટકમાં ઈંધણના ભાવમાં વધારાના થોડા દિવસો બાદ કર્ણાટક મિલ્ક ફેડરેશને મંગળવારે દૂધના ભાવમાં વધારાની જાહેરાત કરી છે. દૂધના નવા ભાવ બુધવારથી અમલમાં આવશે. મળતી માહિતી મુજબ, બુધવારથી નંદિની દૂધના ભાવમાં પ્રતિ પેક ૨ રૂપિયાનો વધારો કરવામાં આવશે. જો કે, ગ્રાહકોને હવે ૫૦ મિલી વધારાનું દૂધ મળશે કારણ કે ૫૦૦ મિલી દૂધના પેકેટને ૫૫૦ મિલી પેકેટ અને ૧ લિટરના પેકેટને ૧.૦૫ લિટરના પેકેટથી બદલવામાં આવશે. કર્ણાટકમાં દૂધના ભાવમાં છેલ્લે જુલાઈ ૨૦૨૩માં વધારો કરવામાં આવ્યો હતો.
હવે ૫૦૦ એમએલ ટોન્ડ દૂધની કિંમત ૨૨ રૂપિયા અને ૧૦૦૦ દ્બઙ્મ ના પેકેટની કિંમત ૪૨ રૂપિયા હતી, હવે ૫૫૦ એમએલ અને ૧૦૫૦ એમએલના ભાવ અનુક્રમે ૨૪ અને ૪૪ રૂપિયા થશે. એ જ રીતે, શુભમના ૫૦૦ એમએલ દૂધના પેકેટની કિંમત ૨૩ રૂપિયા હતી, હવે ૫૫૦ દ્બઙ્મના પેકેટની કિંમત ૨૫ રૂપિયા થશે. એ જ રીતે ૧૦૫૦ મિલી દૂધની કિંમત ૫૦ રૂપિયા હશે, જ્યારે અગાઉ ૧૦૦૦ મિલી દૂધની કિંમત ૪૮ રૂપિયા હતી. આ વધારો નંદિનીના તમામ પેકેટોને અસર કરશે.
જેમાં ટોન્ડ મિલ્ક, ડબલ ટોન્ડ મિલ્ક, હોમોજનાઇઝ્ડ ટોન્ડ મિલ્ક, હોમોજેનાઇઝ્ડ ગાયનું દૂધ, સ્પેશિયલ મિલ્ક, શુભમ મિલ્ક, સમૃદ્ધિ મિલ્ક, હોમોજનાઇઝ્ડ શુભમ મિલ્ક, સંતોષ મિલ્ક અને શુભમ ગોલ્ડ મિલ્કનો સમાવેશ થાય છે. અન્યત્ર, અમૂલ અને મધર ડેરીએ ૩ જૂનથી તેમના દૂધના ભાવમાં પ્રતિ લિટર ૨ રૂપિયાનો વધારો કર્યો હતો. દૂધના ભાવ વધવાનું મુખ્ય કારણ ઉત્પાદન ખર્ચમાં વધારો છે. જે એક વર્ષથી વધુ સમયથી વધી રહી છે.
કર્ણાટક સરકારે તાજેતરમાં જ પેટ્રોલ અને ડીઝલના ભાવમાં વધારો કર્યો છે. પેટ્રોલ પર સેલ્સ ટેક્સ ૨૫.૯૨ ટકાથી વધીને ૨૯.૮૪ ટકા થયો, જેના પરિણામે ૩ રૂપિયાનો વધારો થયો. ડીઝલ માટે, તે ૧૪.૩૪ ટકાથી વધીને ૧૮.૪૪ ટકા થયો છે, જે રૂ. ૩.૦૨નો વધારો છે. જે બાદ કર્ણાટકની રાજધાની બેંગલુરુમાં પેટ્રોલની કિંમત ૧૦૨.૮૬ રૂપિયા અને ડીઝલની કિંમત ૮૮.૯૪ રૂપિયા પ્રતિ લીટર થઈ ગઈ છે. ભાજપની આગેવાનીમાં વિપક્ષોએ આ પગલાનો વિરોધ કર્યો હતો.