ચીનની આર્થિક મંદી: ચીનની અર્થવ્યવસ્થા ઝડપથી ઘટી રહી છે. આ દાવો અમેરિકન ભારતીય મૂળના સાંસદ રાજા કૃષ્ણમૂર્તિએ કર્યો છે. ચીનની અર્થવ્યવસ્થા નાટકીય રીતે ઘટી રહી છે અને હવે તેની પાસે માત્ર બે જ વિકલ્પ છે: કાં તો તેના પડોશીઓ સામે તેની આક્રમક્તા ચાલુ રાખવી અથવા તેની અર્થવ્યવસ્થામાં સુધારો કરીને તેની આક્રમક્તા ઓછી કરવી.
રાજા કૃષ્ણમૂર્તિએ કહ્યું કે ’ચીનની અર્થવ્યવસ્થા ધીમી પડી રહી છે, અને આ મંદી એટલી હદે છે કે ચીનની અર્થવ્યવસ્થા ઘણા ક્ષેત્રોમાં ડિલેશન (સામાન અને સેવાઓના ભાવમાં ઘટાડો)ની આરે પહોંચી શકે છે. ગ્રાહકો અર્થતંત્રમાંથી વિશ્ર્વાસ ગુમાવી રહ્યા છે. ચીનમાં બેરોજગારીનો દર ૨૫ ટકાને વટાવી ગયો છે. આ ખૂબ જ ખરાબ આંકડો છે. તેમણે કહ્યું, ’ચીને ખાસ કરીને પ્રાંતીય અને સ્થાનિક સ્તરે જબરદસ્ત દેવું લીધું છે. ઉપરાંત, લોકોની ચોખ્ખી સંપત્તિ, જે મોટાભાગે રિયલ એસ્ટેટમાં રોકાણ કરે છે, તેમાં નોંધપાત્ર ઘટાડો થયો છે.
કૃષ્ણમૂર્તિએ કહ્યું કે ’ચીનના સર્વોચ્ચ નેતા શી જિનપિંગ અર્થતંત્રની ખરાબ સ્થિતિને કારણે ઘણી મુશ્કેલીઓનો સામનો કરી રહ્યા છે.’ ઇલિનોઇસ, યુએસનું પ્રતિનિધિત્વ કરતા ચાર વખત સાંસદ કૃષ્ણમૂત, યુનાઇટેડ સ્ટેટ્સ અને ચાઇનીઝ કમ્યુનિસ્ટ પાર્ટી વચ્ચે વ્યૂહાત્મક સ્પર્ધા અંગેની સંસદીય સમિતિના સભ્ય પણ છે.
રાજા કૃષ્ણમૂર્તિએ કહ્યું, ’શી જિનપિંગ પાસે બે વિકલ્પ છે. ક્યાં તો, એક તરફ, તે વર્તમાન માર્ગ પર ચાલુ રહે છે, જે આથક આક્રમક્તા વધારી રહ્યું છે, પડોશીઓ પ્રત્યે તકનીકી અને લશ્કરી આક્રમક્તા વધારી રહ્યું છે, અર્થતંત્ર અને જીવનના લગભગ તમામ ક્ષેત્રો પર વધુ નિયંત્રણ સ્થાપિત કરી રહ્યું છે. અથવા તેઓ કોઈ અન્ય અભિગમ અપનાવી શકે છે, જેમાં આક્રમક્તા ઘટાડવા, નિયંત્રણ ઘટાડવા, ઉદ્યોગસાહસિક્તાને ફરીથી ખીલવા દેવા જેવા પગલાઓનો સમાવેશ થાય છે. રાજા કૃષ્ણમૂતએ દક્ષિણ ચીન સાગરમાં ચીનની આક્રમક્તાનો ઉલ્લેખ કર્યો. તેમણે ફિલિપાઈન્સ સાથે ચાલી રહેલા સીમા વિવાદ અને લદ્દાખમાં ભારત સાથે ચાલી રહેલા તણાવનો પણ ઉલ્લેખ કર્યો અને ચીન પર નિશાન સાયું.