સુશાંત સિંહ રાજપૂત કેસમાં જ્યારથી ડ્રગ્સ એંગલ સામે આવ્યો છે, ત્યારથી અત્યાર સુધીમાં બોલિવૂડની સાત એક્ટ્રેસિસનાં નામ બિનસત્તાવાર અહેવાલોમાં સામે આવ્યા છે. સૌપ્રથમ રિયા ચક્રવર્તી, રકુલ પ્રીત, સારા અલી ખાન, શ્રદ્ધા કપૂર, નમ્રતા શિરોડકર પછી દીપિકા પદુકોણ અને હવે તેમાં દિયા મિર્ઝાનું નામ પણ જોડાયું છે. માયાનગરીની આ બધી જ અભિનેત્રીઓ હવે એનસીબીના રડારમાં આવી ગઈ છે. ગમે ત્યારે એનસીબી એક પછી એક પૂછપરછ કરી શકે છે. એનસીબીનાં સુત્રો દ્વારા જાણવા મળેલ માહિતી મુજબ ડ્રગ પેડલર્સ અનુજ કેશવાની અને અંકુશ સાથેની પૂછપરછ બાદ દિયા મિર્ઝાનું નામ સામે આવ્યું હતું. દિયાની મેનેજર જ ડ્રગ્સ તેના સુધી પહોંચાડતી હતી. ૨૦૧૯નાં વર્ષમાં દિયા માટે ખરીદવામાં આવેલ ડ્રગ્સની યોગ્ય સાબિતી મળી છે અને તે જાણકારી ગ્દઝ્રમ્નાં હાથે લાગી છે. સૂત્રોનાં જણાવ્યા અનુસાર દિયાની મેનેજરે ડ્રગ્સ પેડલર સાથે એક કે બે વખત મિટિંગ પણ કરી હતી. જેથી આગામી દિવસોમાં પહેલા દિયાની મેનેજરને પૂછપરછ માટે બોલાવવામાં આવી શકે છે અને ત્યારબાદ દિયાને પણ NCB પૂછપરછ માટે બોલાવશે. વાઇરલ થયેલી ચેટમાં D અને દ્બ નામનો ઉલ્લેખ છે. જેમાં Dનો દીપિકા અને દ્બનો ઉલ્લેખ દીપિકા ની મેનેજર કરિશ્મા માટે કરાયો છે.
દમ મારો દમ… દીપિકા પદુકોણે ચેટ પર ‘માલ હે ક્યા ?’ લખીને મેનેજર પાસે હશીશ મગાવ્યું હોવાનો દાવો
દીપિકા પદુકોણ
નાર્કોટિક્સ કંટ્રોલ બ્યૂરોએ તાજેતરમાં જે સ્પષ્ટતા કરી છે તેમાં દીપિકા પદુકોણનું નામ સામે આવી રહ્યું છે. હકીકતમાં એનસીબીની આ તપાસમાં જયા સાહાની મેનેજર કરિશ્મા સાથે દીપિકા પદુકોણની વાતચીતની ચેટ સામે આવી છે. જયા સાહા સુશાંતસિંહ રાજપૂતની ટેલેન્ટ મેનેજર હતી, જેની એનસીબીએ પૂછપરછ કરી છે. કરિશ્મા અને દીપિકાની આ વાતચીત સામે આવવા પર બોલિવૂડમાં ચકચાર મચી છે. દીપિકા જેમા કરિશ્માને પૂછી રહી છે કે, શું તારી પાસે માલ છે?
શ્રદ્ધા કપૂર
સુશાંતની ટેલેન્ટ મેનેજર જયા સાહા તથા શ્રદ્ધા કપૂરની ચેટ પણ સામે આવી છે. જેમાં શ્રદ્ધા જયાને સીબીડી ઓઇલ માગી રહી છે. આ એક પ્રકારનું ડ્રગ છે. જો કે, જયાનું કહેવંુ છે કે આ ઓઇલ લીગલ છે.
નમ્રતા શિરોડકર
તપાસમાં જાણવા મળ્યંુ છે કે, ચેટ દરમિયાન કેટલાક અંગ્રેજી અક્ષરોનો કોડ તરીકે ઉપયોગ કરવામાં આવતો હતો. આ કોડ્સ ને ડિકોડ કરવા પર નમ્રતા શિરોડકરનું નામ સામે આવ્યું છે. કોડ પ્રમાણે, D N S K (D એટલે દીપિકા પદુકોણ, N એટલે નમ્રતા શિરોડકર, S એટલે શ્રદ્ધા કપૂર અને K એટલે કરિશ્મા પ્રકાશ) છે.
રકુલ પ્રિત
ડ્રગ્સ કાર્ટેલમાં રકુલ પ્રિતનું નામ પણ સામે આવી ચૂક્યું છે. નામ સામે આવવા પર રકુલપ્રિત સિંહએ દિલ્હી હાઇકોર્ટમાં અરજી કરી છે. અરજીમાં તેણે તેના વિરુદ્ધ મીડિયા કવરેજ રોકવાની માગ કરી છે. રકુલે કહ્યું છે કે, આ પ્રકારે તેની પ્રતિષ્ઠાને ખરાબ કરવાનો પ્રયત્ન થઇ રહ્યો છે.
સારા અલી ખાન
સુશાંતની ગર્લફ્રેન્ડ રહેલી રિયા ચક્રવર્તી સાથે પૂછપરછમાં એનસીબીને શ્રદ્ધા કપૂરના નામની ખબર પડી હતી. રિયાએ ડ્રગ્સ લેવડદેવડમાં સારા અલી ખાનનું નામ આપ્યું હતું. વિગતો મુજબ એનસીબી, આ સપ્તાહે સારા અલી ખાન તથા શ્રદ્ધા કપૂરને પૂછપરછ માટે સમન્સ મોકલી શકે છે.
દીપિકા નિવેદન રજૂ કરી શકે
સૂત્રો પ્રમાણે, દીપિકા પદુકોણ લીગલ ટીમ પાસે સલાહ લઇ રહી છે. તે તેના તરફેથી નિવેદન રજૂ કરે તેવી શકયતા છે. દીપિકાની ભૂમિકાને લઇ હજુ સુધી એનસીબી દ્વારા કોઇ નિવેદન આપવામાં આવ્યું નથી.
જયા સાહાનું માસ્ટરમાઇન્ડ તરીકે ઉપસતું ચિત્ર
અત્યારસુધીની તપાસમાં સુશાંતની ટેલેન્ટ મેનેજર જયા સાહાની ભૂમિકા માસ્ટરમાઇન્ડ તરીકે સામે આવી રહી છે. સોમવારે શ્રદ્ધા કપૂરનું નામ પ્રથમ વખત સામે આવ્યું હતું. જ્યારે સારા અલીખાન અને રકુલપ્રિતસિંહ પર ઘણાં દિવસોથી આંગળીઓ ઊઠી રહી છે. શ્રદ્ધા કપૂરની ભૂમિકાવાળી ચેટ્સમાં પણ સીધી રીતે જયાની ભૂમિકા જણાઈ રહી છે. જયા સાહાની કંપની ક્વાન ૪૫ બોલિવૂડ અભિનેતા, અભિનેત્રીઓ માટે ટેલેન્ટ મેનેજમેન્ટનું કામ કરે છે.
દિયાએ ડ્રગ્સની વાતનું ખંડન કર્યું
દિયા મિર્ઝાનું નામ ડ્રગ્સ લેતી એક્ટ્રેસિસમાં આવ્યા બાદ તેણે સોશિયલ મીડિયા પર તે બધી વાતને રદિયો આપતા ટ્વિટ કર્યું હતું કે, હું મજબૂતી સાથે આ વાતનું ખંડન કરું છું. આ વાત એક ખોટી અને નિરાધાર અને બદઇરાદાથી ચલાવવામાં આવી રહી છે. ત્યારબાદ દિયાએ બીજી ટ્વિટ કરીને કહ્યું કે, આ પ્રકારની રિર્પોિંટગનું સીધું અસર મારા કરિયર પર પડશે. જેનાંથી મારું કરિયર પણ ખરાબ થઈ શકે છે જેને મેં ઘણી મહેનતથી બનાવ્યું છે. મેં મારા જીવનમાં ક્યારેય નાર્કોટિક કે પ્રતિબંધિત વસ્તુઓનું સેવન નથી કર્યું. મારી સાથે રહેલા સમર્થકોનો આભાર.
(D) દીપિકાએ ચેટમાં હૈશ માગે છે, જ્યારે (K) કરિશ્મા કહે છે કે હૈશ નહીં વીડ હૈ…
ડ્રગ્સ પ્રકરણમાં દીપિકાનું પણ નામ ખૂલ્યું હોવાનો દાવો થયો છે. એનસીબીએ આ કેસમાં દીપિકાની મેનેજર કરિશ્મા પ્રકાશને પૂછપરછ માટે સમન્સ મોકલ્યું છે. કેમ કે, દીપિકાએ કરિશ્મા મારફત હશીશ મગાવ્યું હતું. દીપિકાએ ચેટમાં હેશ (હશીશ) ડ્રગ માગે છે, જ્યારે કરિશ્મા કહે છે કે હૈશ નહીં વીડ હૈ.
કંગનાનું દીપિકા પર નિશાન : ‘માલ હૈ ક્યા’ । દીપિકાનું નામ બહાર આવ્યા બાદ ફરી કંગના કૂદી પડી છે. તેણે ટ્વિટ કરીને કહ્યું છે કે, મારા પછી તમે પણ દોહરાવો, ડિપ્રેશન એ નશીલી દવાના સેવનનું જ પરિણામ છે. કહેવાતી હાઇસોસાયટીના ધનવાન સ્ટાર બાળકો, જેઓ ક્લાસી હોવાનો દાવો કરે છે, સારી પરવરિશ મેળવે છે, તેઓ મેનેજરને પૂછે છે, માલ હૈ કયા ?
K અને D વચ્ચે ૨૮ ઓક્ટોબર ૨૦૧૭ની ચેટ
સવારે ૧૦:૦૩ કલાકે : D લખે છે : K.. શું તારી પાસે માલ છે ?
૧૦-૦૫ કલાકે : K લખે છે મારી પાસે છે પરંતુ, ઘરે છે. હું બાંદ્રામાં છું..
૧૦ : ૦૫ કલાકે, K લખે છે, હું અમિતને કહું, અગર તુમ્હેં ચાહિએ તો,
૧૦ : ૦૭ કલાકે, D લખે છે, યસ.. પ્લીઝ
૧૦: ૦૮ કલાકે , K લખે છે, અમિત પાસે છે, તે લઇને આવી રહ્યો છે.
૧૦ :૧૨ કલાકે D લખે છે, હૈશ ના ?
૧૦ :૧૨ કલાકે D લખે છે. નહીં વીડ
૧૦ : ૧૪ કલાકે K લખે છે, તું કેટલા વાગ્યે KOKO આવી રહી છે ?
૧૦ : ૧૫ કલાકે D લખે છે, શૈલ કેટલા વાગ્યે પહોંચી જઇશ ?
K લખે છે, મને લાગે છે કે તેણે ૧૧:૩૦નું કહ્યું હતું, કેમકે તેણે ૧૨ કલાકે બીજી જગ્યાએ પહોંચવાનું હતું.