દિલ્હીના નવા મુખ્યમંત્રીના શપથગ્રહણ સમારોહનો સમય બદલાયો છે. અગાઉ દિલ્હીના નવા મુખ્યમંત્રીનો શપથગ્રહણ સમારોહ 20 ફેબ્રુઆરીએ સાંજે 4.30 વાગ્યે થવાનો હતો, પરંતુ હવે આ કાર્યક્રમ સવારે 11 વાગ્યે થવાનો છે. શપથગ્રહણ સમારોહનો સમય ચોક્કસપણે બદલાયો છે, પરંતુ તારીખ એ જ છે.
તમને જણાવી દઈએ કે દિલ્હીના નવા મુખ્યમંત્રીના શપથગ્રહણ સમારોહની તૈયારીઓ પુરજોશમાં ચાલી રહી છે. આ કાર્યક્રમ માટેનું સ્થળ રામલીલા મેદાન નક્કી થઈ ગયું છે, જોકે હજુ સુધી મુખ્યમંત્રીના નામ પર કોઈ સર્વસંમતિ બની નથી. આવતીકાલે (19 ફેબ્રુઆરી) યોજાનારી વિધાનસભા પક્ષની બેઠકમાં મુખ્યમંત્રીના નામની જાહેરાત થવાની અપેક્ષા છે.
રામલીલા મેદાન તરફના રસ્તાઓ આવતીકાલ રાતથી બંધ રહેશે
19 ફેબ્રુઆરીની રાતથી રામલીલા મેદાન તરફ જતા તમામ રસ્તાઓ બંધ કરી દેવામાં આવશે. ફક્ત VVIP વાહનોને જ પ્રવેશ આપવામાં આવશે. પ્રધાનમંત્રી નરેન્દ્ર મોદી, કેન્દ્રીય ગૃહમંત્રી અમિત શાહ, મુખ્યમંત્રી યોગી આદિત્યનાથ સહિત 50 થી વધુ ઉચ્ચ સુરક્ષાવાળા નેતાઓ પણ રામલીલા મેદાન પહોંચશે. આ શપથગ્રહણ સમારોહમાં 20 રાજ્યના મુખ્યમંત્રીઓ પણ હાજરી આપશે. બધા કેન્દ્રીય મંત્રીઓ અને NDA નેતાઓને પણ બોલાવવામાં આવ્યા છે.
શપથગ્રહણ સમારોહમાં 50 ફિલ્મસ્ટાર્સ હાજર રહેશે
શપથગ્રહણ સમારોહ પહેલાં રામલીલા મેદાનના મંચ પર સંગીત અને ગીતોનો રંગારંગ કાર્યક્રમ યોજાશે. કૈલાસ ખૈર દ્વારા એક પ્રદર્શન રજૂ કરવામાં આવશે. અક્ષય કુમાર, વિવેક ઓબેરોય, હેમા માલિની, કૈલાસ ખૈર સહિત 50થી વધુ ફિલ્મસ્ટાર્સ હાજર રહેશે. રામલીલા મેદાનમાં મુંબઈના પ્રખ્યાત ઉદ્યોગપતિઓ મુકેશ અંબાણી, ગૌતમ અદાણી સહિત એક ડઝનેક ઉદ્યોગપતિઓ પણ હાજર રહેશે. આ ઉપરાંત બાબા રામદેવ, સ્વામી ચિદાનંદ, બાબા બાગેશ્વર ધીરેન્દ્ર શાસ્ત્રીને પણ શપથગ્રહણ સમારોહનું આમંત્રણ આપવામાં આવ્યું છે.
લાડલી બહેનો સહિત 30 હજાર મહેમાનોને આમંત્રણ
દિલ્હી વિધાનસભા ચૂંટણી માટે ભાજપ દ્વારા તહેનાત કરાયેલા અન્ય રાજ્યોના ભાજપના નેતાઓ અને કાર્યકરોને પણ આ કાર્યક્રમમાં આમંત્રણ આપવામાં આવ્યું છે. લાડલી-બહેનોને પણ બોલાવવામાં આવશે. આ ઉપરાંત ખેડૂતોને પણ બોલાવવામાં આવશે. લગભગ 30,000 મહેમાનોને આમંત્રિત કરવામાં આવ્યા છે. NDAના ઘટક પક્ષોના નેતાઓને પણ આમંત્રિત કરવામાં આવશે.
મુખ્યમંત્રીપદની રેસમાં 6 નામ ભાજપ પોતાના મુખ્યમંત્રીના નામથી લોકોને આશ્ચર્યચકિત કરતું આવ્યું છે. પાર્ટી, બધી રાજકીય અટકળોને બાજુ પર રાખીને રાજ્યની કમાન સંગઠનના જૂના ચહેરાઓને સોંપે છે. આમ છતાં મુખ્યમંત્રી પદની રેસમાં 6 ધારાસભ્યનાં નામ સૌથી આગળ છે. સૂત્રોના જણાવ્યા અનુસાર, પાર્ટીએ 15 ધારાસભ્યનાં નામ જાહેર કર્યાં છે. તેમાંથી 9 નામ શોર્ટલિસ્ટ કરવામાં આવ્યાં છે. આ 9 નામમાંથી મુખ્યમંત્રી, કેબિનેટ મંત્રી અને સ્પીકરનાં નામ નક્કી કરવામાં આવશે.
દિલ્હી કેબિનેટમાં મુખ્યમંત્રી સહિત વધુમાં વધુ 7 મંત્રી હોઈ શકે છે. આવી સ્થિતિમાં એવી ચર્ચા છે કે દિલ્હીની સાત લોકસભા બેઠકોમાંથી દરેકમાંથી એક ભાજપના ધારાસભ્યને પસંદ કરી શકાય છે. બિહાર અને પંજાબની ચૂંટણીઓ ઉપરાંત, જાતિ સમીકરણોને ધ્યાનમાં રાખીને તેમની પસંદગી કરવામાં આવશે.
મુખ્યમંત્રી પદના 6 દાવેદાર…
1. રવીન્દ્ર ઈન્દ્રરાજ સિંહ
2. શિખા રાય
3. પ્રવેશ વર્મા
4. વિજેન્દ્ર ગુપ્તા5.
5.રાજકુમાર ભાટિયા
6. જિતેન્દ્ર મહાજન