બિટકોઈન દુનિયાની સૌથી લોકપ્રિય ક્રિપ્ટોકરન્સી છે અને રોકાણકારોમાં તે ફરી એક વખત ચર્ચાનો વિષય બન્યું છે. આ કુત્રિમ કરન્સીએ વર્ષ 2020માં અત્યાર સુધીમાં જોરદાર વળતર આપ્યું અને બજારના જાણકારોનું માનવું છે કે આગામી સમયમાં પણ તેમાં તેજી જોવા મળશે. સિટી બેંકના એક રિપોર્ટમાં બિટકોઈનને 21મી સદીનું સોનુ કહેવાયું છે.
આ ડિજિટલ કરન્સીએ 31 ડિસેમ્બર 2019ના 7196ના સ્તરથી જોરદાર છલાંગ લગાવતા 160 ટકાનું વળતર આપ્યું છે. આ પહેલા 17 ડિસેમ્બર 2017ના રોજ આ કરન્સીએ 19,870નું શિખરસ્તર મેળવ્યું હતું. વર્ષ 2020માં બિટકોઈનનો ભાવ 168 ટકા વધીને 13,76,304 રૂપિયા થઈ ચૂક્યો છે. હાલ તેનો ભાવ 17,000 (આશરે 12.58 લાખ રૂપિયા)ની આસપાસ છે.
એક રિપોર્ટમાં જણાવ્યા મુજબ, ડિસેમ્બર 2021 સુધીમાં આ ડિજિટલ કરન્સીનો ભાવ વધી શકે છે અને આગામી 12થી 24 મહિના દરમિયાન તેમાં સારી એવી તેજી જોવા મળી શકે છે. હવે એ તો આવનારો સમય જણાવશે કે બિટકોઈનનો ભાવ ક્યાં સુધી પહોંચી શકે છે.
અમેરિકાનાં હેડ ફંઝ ક્રિપ્ટો અસેટ્સ ખરીદી રહ્યા છે, પેયપાલ તેના ગ્રાહકોને ક્રિપ્ટોકરન્સી ખરીદવા અને વેચવાની તક આપી રહી છે. ડીબીએસ પણ તેના ગ્રાહકોને ક્રિપ્ટોકરન્સી સેવા આપવાના વિષય પર વિચારી રહી છે. વર્ષ 2018માં આ ડિજિટલ કરન્સી 73 ટકા તૂટી જ્યારે વર્ષ 2017માં તેણે 1,337 ટકાની છલાંગ લગાવી હતી. હવે ધીરે-ધીરે સમગ્ર દુનિયામાં ક્રિપ્ટોકરન્સી ચર્ચામાં આવી છે. સિટી બેંકએ પણ બિટકોઈનને આ સમયનું સોનુ જણાવ્યું છે.