મુંબઇ,ભારતીય રાષ્ટ્રીય ક્રિકેટ ટીમના ભૂતપૂર્વ કેપ્ટન મહેન્દ્ર સિંહ ધોની, ઓસ્કાર વિજેતા ડોક્યુમેન્ટ્રી ધ એલિફન્ટ વ્હીસ્પરર્સના ડિરેક્ટર કાર્તિકી ગોન્સાલ્વિસ, બોમેન અને બેઈલીને મળ્યા હતા. ધોનીએ ધ એલિફન્ટ વ્હીસ્પર્સની ટીમને વ્યક્તિગત ચેન્નાઈ સુપર કિંગ્સની જર્સી ભેટમાં આપી જેના વીડિયો અને ફોટા સોશિયલ મીડિયા પર ખૂબ વાયરલ થઈ રહ્યા છે.
ટીમ ચેન્નાઈ સુપર કિંગ્સે તેના ઈન્સ્ટાગ્રામ પર કેટલીક તસવીરો સાથે એક વીડિયો શેર કર્યો છે. વીડિયોમાં ધોની અન સીએસકે મેનેજમેન્ટ ચેપોક સ્ટેડિયમમાં ’ધ એલિફન્ટ વ્હિસ્પર્સ’ની ટીમનું સ્વાગત કરતા જોવા મળે છે. પહેલા ધોની તેની સાથે હાથ મિલાવે છે અને પછી તેને તેના નામની છપાયેલી જર્સી ભેટમાં આપે છે. આ દરમિયાન ધોનીની પુત્રી ઝિવા ટીમ ધ એલિફન્ટ વ્હીસ્પર્સના સભ્યો કાર્તિકી ગોન્સાલ્વિસ, બોમન અને બેઈલીને પણ મળે છે.
સોશિયલ મીડિયા પર શુભેચ્છા પાઠવતા ટીમ ધ એલિફન્ટ વ્હીસ્પર્સનો વીડિયો શેર કરતાં લખ્યું- એ ટીમની પ્રશંસા કરો જેણે આપણું દિલ જીત્યું છે! બોમેન, બેઈલી અને ફિલ્મ નિર્માતા કાર્તિકી ગોન્સાલ્વિસને હોસ્ટ કરવું ખૂબ જ સરસ હતું! આ વીડિયોમાં ધોની પણ ડિરેક્ટર કાર્તિક સાથે ઓસ્કાર ટ્રોફી સાથે પોઝ આપતાં જોઈ શકાય છે. ચેન્નાઈ સુપર કિંગ્સે તેમના ઈન્સ્ટાગ્રામ પર આ ઈવેન્ટની કેટલીક તસવીરો પણ શેર કરી છે, જેમાં ધોની કાર્તિકી ગોન્સાલ્વિસ, બોમન અને બેઈલીના નામની ઝ્રજીદ્ભ જર્સી આપતા જોવા મળે છે.
તમને જણાવી દઈએ કે ધ એલિફન્ટ વ્હીસ્પર્સ દક્ષિણ ભારતીય દંપતી બોમન અને બેલીની વાર્તા છે જે રઘુ નામના અનાથ બાળક હાથીની સંભાળ લે છે. બોમેન અને બેઈલી તેમના જીવન હાથીને સમપત કરે છે અને એક કુટુંબ બનાવે છે જે માનવ અને પ્રાણી વિશ્ર્વ વચ્ચેના અવરોધોનું પરીક્ષણ કરે છે.