ધર્મશાળા, ભારતીય કેપ્ટન રોહિત શર્માએ ધર્મશાળા ટેસ્ટ મેચમાં શાનદાર સદી ફટકારી છે. રોહિતે મેચની પ્રથમ ઇનિંગમાં પોતાના ટેસ્ટ કરિયરની ૧૨મી સદી ફટકારી છે. તેણે ૧૫૪ બોલમાં આ સિદ્ધિ હાંસલ કરી હતી. આ દરમિયાન ખેલાડીના બેટમાંથી ૧૩ ફોર અને ૩ સિક્સ પણ આવી હતી.
રોહિત શર્માની આ ૪૮મી આંતરરાષ્ટ્રીય સદી છે. આ સદી સાથે રોહિતે ઈંગ્લેન્ડના દિગ્ગજ ખેલાડી જો રૂટ અને સાઉથ આફ્રિકાના પૂર્વ દિગ્ગજ ખેલાડી એબી ડી વિલિયર્સને પાછળ છોડી દીધા છે. આ સાથે તેણે રાહુલ દ્રવિડની બરાબરી કરી લીધી છે.
રોહિત શર્માએ ધર્મશાળામાં સદી ફટકારીને જો રૂટને પાછળ ધકેલી દીધો છે, ઈંગ્લેન્ડના દિગ્ગજના નામે કુલ ૪૭ આંતરરાષ્ટ્રીય સદીઓ છે. આ સિવાય સાઉથ આફ્રિકાના પૂર્વ દિગ્ગજ એબી ડી વિલિયર્સના નામે પણ ૪૭ આંતરરાષ્ટ્રીય સદીઓ છે. આ સિવાય પૂર્વ ભારતીય દિગ્ગજ ખેલાડી રાહુલ દ્રવિડના નામે ૪૮ આંતરરાષ્ટ્રીય સદી છે. હવે રોહિત શર્માએ પણ ૪૮ આંતરરાષ્ટ્રીય સદી ફટકારી છે. ખાસ વાત એ છે કે વર્લ્ડ ટેસ્ટ ચેમ્પિયનશિપમાં રોહિત શર્માનું બેટ હંમેશા સફળ રહ્યું છે. રોહિત શર્માની ઉ્ઝ્રની ૯મી સદી છે.
૨૦૨૧ પછી ભારત માટે સૌથી વધુ ટેસ્ટ સદી
૬ – રોહિત શર્મા
૪ – શુભમન ગિલ
૩- રવિન્દ્ર જાડેજા
૩ – યશસ્વી જયસ્વાલ
૩ – ૠષભ પંત
૩- કેએલ રાહુલ
ઈંગ્લેન્ડ વિરુદ્ધ ભારતના ઓપનર દ્વારા સૌથી વધુ ટેસ્ટ સદી
૪ – સુનીલ ગાવસ્કર
૪ – રોહિત શર્મા
૩ – વિજય મર્ચન્ટ
૩ – મુરલી વિજય
૩- કેએલ રાહુલ
આંતરરાષ્ટ્રીય ક્રિકેટમાં ઓપનર તરીકે સૌથી વધુ સદી
૪૯ – ડેવિડ વોર્નર
૪૫ – સચિન તેંડુલકર
૪૩ – રોહિત શર્મા
૪૨ – ક્રિસ ગેલ
૪૧ – સનથ જયસૂર્યા
૪૦ – મેથ્યુ હેડન
આંતરરાષ્ટ્રીય ક્રિકેટમાં ભારતીય બેટ્સમેન દ્વારા સૌથી વધુ સદી
૧૦૦ – સચિન તેંડુલકર
૮૦ – વિરાટ કોહલી
૪૮ – રાહુલ દ્રવિડ
૪૮ – રોહિત શર્મા
૩૮ – વિરેન્દ્ર સેહવાગ
૩૮ – સૌરવ ગાંગુલી