દાહોદ,\દાહોદ જીલ્લાના ધાનપુર તાલુકાના આકાશવાણી ગામેથી દાહોદ એલસીબી પોલીસે એક ઇકો ફોરવીલર ગાડીમાં લઈ જવાતો વિદેશી દારૂનો કુલ રૂપિયા 1,27,680/- ના પ્રોહી જથ્થા સાથે સ્થળ પરથી પોલીસે એક મોટરસાયકલ મળી બે વાહનો કબજે કરી પોલીસે કુલ રૂપિયા 5,27,680/- નો મુદ્દામાલ કબજે કર્યાનું જ્યારે પોલીસને ચકમો આપી ત્રણથી વધુ ઈસમો નાશી જવામાં સફળ રહ્યાનું જાણવા મળે છે.
ગતરોજ આકાશવાણી ગામે અંતરિયાળ વિસ્તારમાં એક ઇકો ફોરવીલર ગાડી નો ચાલક ગાડીમાં વિદેશી દારૂનો જથ્થો ભરી ઉભેલ હોવાની વાતની દાહોદ એલસીબી પોલીસને મળી હતી અને આ વિદેશી દારૂનો જથ્થો એક મોટરસાયકલ ચાલક લેવા આવવાનો હોવાની પણ પોલીસને વાતની મળતા દાહોદ એલસીબી પોલીસ તરત સ્થળ પર પહોંચી ગઈ હતી. જ્યાં પોલીસને જોઈ સ્થળ પર ઉભેલ સતિષભાઈ અમરસિંહ ડામોર (રહે. આકાશવાણી લદોડિયા ફળિયા, તા.ધાનપુર, જી.દાહોદ), શુક્રમભાઈ છગનભાઈ તડવી (રહે. આકાશવાણી તળાવ ફળિયા, તા.ધાનપુર, જી.દાહોદ) તથા તેમની સાથેના અન્ય ઈસમો પોલીસને આપી સ્થળ પરથી નાસી ગયા હતા. ત્યારે પોલીસે ઇકો ફોરવીલર ગાડીની તલાસી લેતા તેમાંથી વિદેશી દારૂ તથા બિયરની કુલ બોટલો નંગ.960 જેની કિંમત રૂપિયા 1,27,680/- ના પ્રોહિ જથ્થા સાથે ફોરવીલર ગાડી તથા એક મોટરસાયકલ મળી કુલ રૂપિયા 5,27,680/- નો મુદ્દામાલ પોલીસે કબજે કરી આ સંબંધે પોલીસે પ્રોહીબીશનનો ગુનો નોંધી આગળની કાયદેસરની કાર્યવાહી હાથ ધરી છે.