નવીદિલ્હી,લોક્સભા ચૂંટણીના ત્રીજા તબક્કાનું મતદાન પૂર્ણ થયા બાદ હવે અન્ય તબક્કાના મતદાનને લઈ રાજકીય પક્ષો હરક્તમાં આવ્યા છે. વાત જાણે એમ છે કે, દેશની રાજધાની દિલ્હીની ૭ લોક્સભા સીટો માટે ભાજપે ખાસ રણનીતિ બનાવી છે. આ સાથે ભાજપે દરેક વર્ગ પ્રમાણે પોતાનો ચૂંટણી પ્રચાર તેજ કર્યો છે. આ માટે અન્ય રાજ્યોના નેતાઓ પણ દિલ્હી પહોંચી રહ્યા છે જેમની સંખ્યા ચોથા તબક્કાની ચૂંટણી પૂર્ણ થયા બાદ વધુ વધશે.
રાજસ્થાનના બંને નાયબ મુખ્યમંત્રી દિલ્હીમાં સતત બેઠકો કરી રહ્યા છે. આ દરમિયાન ભાજપ યુવા મોરચાના રાષ્ટ્રીય અધ્યક્ષ તેજસ્વી સૂર્યાની પણ દિલ્હીમાં ફરજ આપવામાં આવી છે. તેજસ્વી સૂર્યા રવિવારથી તેમનો ચૂંટણી પ્રચાર શરૂ કરી રહ્યા છે. તેઓ ચાંદની ચોક લોક્સભા સીટ પર આઝાદપુરમાં રોડ શો કરશે. બીજી તરફ હરિયાણા અને યુપીના ભાજપના ધારાસભ્યોને પણ દિલ્હી બોલાવવામાં આવી રહ્યા છે જેઓ અલગ-અલગ વોર્ડમાં જઈને નાની જાહેર સભાઓ કરી રહ્યા છે.
આ તરફ હવે ભાજપ દિલ્હીના ચૂંટણી મેદાનમાં પોતાની સંપૂર્ણ તાકાત લગાવવા જઈ રહી છે. ૧૮ મેના રોજ કેન્દ્રીય ગૃહ પ્રધાન અમિત શાહ દક્ષિણ દિલ્હીમાં ચૂંટણી રેલીને સંબોધિત કરશે. પાર્ટીના પ્રદેશ અધ્યક્ષ વીરેન્દ્ર સચદેવા અને અન્ય અધિકારીઓએ શનિવારે બેઠક સંબંધિત તૈયારીઓને લઈને બેઠક યોજી હતી. લાડો સરાય સ્થિત ચૂંટણી કાર્યાલય ખાતે મળેલી બેઠકમાં કાર્યકરોને પ્રચાર કરવા હાકલ કરવામાં આવી હતી.
દિલ્હીમાં ભાજપ હવે દરેક બૂથને મજબૂત કરવામાં વ્યસ્ત છે. પાર્ટીના વરિષ્ઠ નેતાઓની નજર હવે દિલ્હી પર છે. ભાજપ દ્વારા રવિવારે ફેમિલી સ્લીપ (વોટર સ્લીપ)ના વિતરણનો કાર્યક્રમ યોજવામાં આવ્યો છે. પાર્ટી દ્વારા માહિતી આપવામાં આવી છે કે કુલ ૨૩ વિસ્તારોમાં સ્લિપ વિતરણનો કાર્યક્રમ હશે, જેમાં પાર્ટીના વરિષ્ઠ અધિકારીઓ ઘરે-ઘરે જઈને લોકો સાથે ચર્ચા કરશે અને તેમને મતદાર સ્લિપ આપશે. આ કાર્યક્રમ સવારે ૯ વાગ્યાથી શરૂ થશે જે બપોરે ૧૨ વાગ્યા સુધી ચાલશે.
ભાજપના સમર્થનમાં શીખ સમુદાયના યુવાનો રવિવારે સવારે પંત માર્ગથી ભાજપના રાષ્ટ્રીય મુખ્યાલય સુધી બાઇક રેલી કાઢશે. મ્ત્નઁના પ્રદેશ અધ્યક્ષ વીરેન્દ્ર સચદેવા અને પાર્ટીના રાષ્ટ્રીય સચિવ મનજિંદર સિંહ સિરસાના નેતૃત્વમાં નીકળનારી આ બાઇક રેલીમાં મોટી સંખ્યામાં લોકો ભાગ લેશે.